Popular Bible Verses from Luke 5

Share

Ego tonai sa beto parangaria na minete tinoni sa pira saunia i Saimone, <<Mu vaiolo jola saea pa lilisina sa na koaka, beto sa mu gonania ketakoi sa na miu vaqara,>> saunia.

Poni sa paranga si Saimone, pira sau, <<Qokolo! Qe tei pavu talea tu na bongi doruna sagei, ba kepotu kai tea sa be tekuamei! Ba qu paranga ao, ko jongana ara ma lao tu ropi vagorea sa na vaqara,>> sau. Ko totonai qai ipa gorenia na vaqara sa sa vaivagabara sa na igana qai gona, ko na vaqara ba iapeki bi taraqama tu.

Ba sa tuturu rijo riuona pa qega si Jisu ko sa kokole vavaraona.

Qake lame sara ko ma kukuria na tinoni tuvisidi qau, goto ira tu na tinoni seladi ko mai gabala qau!>> sau si Jisu.

Ego totonai sa batia i Saimone Pita sa na roiti sa podo vei pira, sa sa lao toqo sori tutungu sisa pa moena i Jisu, beto pira sau, <<Mu taloa taqu Bangara, ura na tinoni sela sara!>> sau.

Poni sa oeria i Jisu sira, pira sauniria, <<Ira na tinoni toa vajongadi sa qaike nyaqoa sa na tinoni sa vavaisalana, goto ira gu qai mo.

Ko pa liguna qai juju vaparoria sa na dia koaka, sa qai loa vakole beto paleria sira doru dia sakasava ko qai tutiadia ira si Jisu.

Ego kai totoso tonai sa korapa suvere pa kai gugusu si Jisu, sa api kai tinoni sa udea na popoqu. Ko totonai sa batia isa si Jisu, sa sa gona opo goreni pa peso na isumatana, ko sa tepa vivitigi, pira sau, <<Bangara, vei muna malumu ao, sa muna boka taloso valiososiu gu sara!>> saunia. Poni sa kaqamania na limana ko sa ulia i Jisu sisa, beto pira sau, <<Qa malumu gu sara, ko mu lioso tu ao,>> saunia. Ko pa totoso tugu isa sa tataloso valioso tana sa popoqu.

Beto tonai sa sake mako gore na lekogona sa na nongorona i Jisu, ko ira na minete tinoni sa qai vavaikamu lao tana ko mai nonongorodia beto mai tasalanadia pa okoto dia vagauru qarigu.