Popular Bible Verses from Lucas 7

Share

Da awĩwu ichapa chakawibiske na chakabiswu aduri ẽ ana shinaibaki. Naskake ea duikui. Aka watura ichapaba chakabis ẽ ‘Na mi chakabis aduri ẽ ana shinaiba’, ẽ waitu naatu ea ichapaba duitiru”, Jesúspa Simón wadi. Naskata na awĩwu Jesúspa yuidi: “Na mi chakabis udua ẽ ana shinaiba”, wadi.

Naskaiwudu Jesúspa awĩwu yuidi: “Iki mi chipu diake Diospa bia axua mi ubiskuiyabanu. Katawe”, Jesúspa wadi.

Jesús kachiuri na awĩwu ditishudi awẽ tae rawe adu. Siaikaidu awẽ weuwu tusupakeaidu Jesúspa awẽ tae rawe bechanadi. Naa awĩwawe awẽ wuũ Jesúspa awẽ tae betuwadi. Awẽ taeki tsu aki idi. Awẽ taeki perfume badei idi.

Ewẽ diaiwawe ea kekẽai ẽ keskatiru. Soldadowu na ẽ atu kekẽai keskatiruwu. Ẽ wetsa “Katawe”, waidu katiru. Ẽ wetsa “Uwe”, waidu utiru. “Awẽ”, ẽ waidu atiru. Miriwi na mi yurawu kekẽai keskatiruwu. Naskake etsiwi bitsisipax ẽ bewe tsaiki kaiba. Narixu yuiwe ewẽ uibati kayanu’, naduri ea Jesús waxutakawe”, soldadowawe atũ diaiwawe awe rawebiswu atu wadi. Naa chadi wuawu wetsã naduri yuixuwaitu dikai Jesús wetsa keskaradi. Na awe wuwaiwu atuki iwiakekawata atu yuidi: “Na Israel bai adu ikawuruku iki ichapaba chipu diawuki. Na soldadowawe atũ diaiwu iki ichapa chipu diakuiya”, Jesúspa atu wadi.

Naskawaiwawe nadu Jesúspa isinikaiwu na ubiskuiyaiwuya atu kayawadi. Na waka keskarawawe iwuwaa ipaudiwu atũ kaya meradua waka keskarawu putadi. Wexu ichapawuri kayawadi. Atu kayawata na Juanpa nichia rawe Jesúspa atu yuidi: “Na ẽ akaitu maawawe uĩya na ma dikari Juan yuitakawe. Ma ma uĩya na wexu itiadiwu ma uĩtiruwu. Na chatu itiadiwu ma wutiruwu. Na iruba isiya itiadiwu ma kayawu. Na pastukui itiadiwu ma dikatiruwu. Na dabiswu ma widiawu. Na awayabawu ẽ Dios udua tsai shara ẽ atu yuitiru.