Popular Bible Verses from Lucas 6

Share

Wetsawu na yupayaiwu atu inakawe. Ma naskake na ma yupayai Diospa batu inawaidaka. Vendedorpa awara besewataba yurawu inatiru keskawakĩ Diospa batu inaxiwi. Vendedorpa awara besewataba yurawu inatirutu tanakuiwaxu tis tisata saa saata ana wuspiwatiru. Wuspikuiyax dirikaitu naatu yurawawe atũ sawetiki badexutiru. Yurawu awara inaxikĩ na ma tanawatiru keskawakĩ Diospariwi tanawawaidaka batu awara inaxikĩ”, Jesúspa atu wadi.

Yura shara isharatiru shinasharamaiwai. Yura chaka chakata itiru chaka shinamaiwai. Na shinayaiwu yurawu tsaitiruwu”, Jesúspa wadi.

Na batu duikaspabiswu atu duikawe. Atu sharawakawe. ‘Ea nasuxinu’, itaba atu inayukawe. Naskake Diospa awara sharakuiwu batu inaxiwi. Na batu duikaspabiswu atu duikĩ Na Tsuã Winutiruba Bitsisipatu atiru maawawe aki iixiwi. Diospa yura chakawu atu sharawatiru. Na yurawu awara inaweke ‘Ẽ biki idibai’, wabiswubari atu sharawatiru.

Yurawu ubisbakawe matu Epa Diospa atu ubisbai keskawakĩ”, Jesúspa atu wadi.

Jesúspa atu yuidi: “Sidayana tsua ñuayabakawe batu Diospa sidayana ñuayabanu. Tsua duduri yuiyabakawe: ‘Ma yura chakabis. Naskake batu Diospa ubiskuibatiru’, atu wayabakawe Diospa batu naskawayabanu. Na wetsawu batuki chakabiswu aduri ana shinayabakawe na ma chakabiswu aduri Diospa ana shinayabanu.

Jesúspa na awa yupaiba ipaudiwu wetsawuya ma atu yuita na dikakadi idiwu atu yuidi: “Aka na ea dikayaiwawe duduri ẽ batu kekẽi. Na batu duikaspabiswu duikawe. Na batuki shinachakabiswu atu sharawakawe. Na batu ‘Diospa batu chakawapainu’, batu wabiswu atu ‘Batu Diospa sharawanu’, atu wakawe. Na batu chakawabiswu atu Dios kiwĩxukawe.

Wetsawawe batu sharawatiru keskawakĩ atu sharawakawe.

Watura wetsã bia tapasiyaitu taki wetsari abawe. Mewẽ chompa bia wiãta mewẽ saweti wiãpaiyaitu wishkutaba inawe. Wetsã bia ñukayaitu inawe. Wetsã bia awara wiãke ‘Ea nasuwe’, wayabawe.

Jesúspa yurawu atu yuidi: “Iwi sharapa awẽ wibi chaka itiruba. Iwi chakapa awẽ wibi shara itiruba.

Wibiuxũ nu tapitiru awa iwimaiki. Iwi buxaya udua nu higo witiruba. Dishi buxaya udua nu uva witiruba.