Popular Bible Verses from SAN JUAN 19

Share

Chai vinagreta Jesús ubiashpaca: “Ña tucuchishcami” nircami. Chashna nishpaca, umata huarcushpa, paipac espirituta Diosman mingashpaca huañurcallami.

Chai q'uipami, Jesusca tucuita pactachishcata ña yachashpa, Dios quillcachishcapi nishca pactachun “yacunayanmi” nirca.

Chashna cacpimi, Jesusca paipac mamata, shinallatac paipac c'uyashca yachacucta ricushpa paipac mamataca: —Riqui, mama. Paimi cambac huahuaca— nirca. Chai q'uipaca, paipac yachacuctapish: —Riqui. Paimi cambac mamaca— nirca. Chaimanta pachami chai yachacucca paipac huasipi Jesuspac mamataca causachun pusharca.

Ashtahuanpish Jesuspacman chayashpaca, ña huañushcapi tuparishpami, changacunata mana p'aquircacuna. Shina cashpapish shuc soldadoca lanzahuan tucsishpami, Jesuspac costillasta chugrichirca. Chashna chugrichincami, chai chugrimantaca yacupish, yahuarpish llucshirca.

Caicunaca Dios quillcachishcapi nishca pactachunmi, chashnaca tucurca. Chaipica: “Shuc tullullatapish paitaca mana p'aquingachu” ninmi. Shinallatac shuctac quillcachishcapipish: “Lanzahuan chugrichishcatami ricungacuna” ninmi.

Jesusca paita chacatana cruzta aparishpami, Gólgota urcuman llucshirca. Hebreo*f** rimaipi “Gólgota” nishpaca, “uma tullu” nisha ninmi.

Soldadocunaca “mandacmi cangui” nic tucushpalla, casha angumanta ahuashpa shuc coronata umapi churachishpa, morado churanatapish Jesusmanca p'achallichirca.