Popular Bible Verses from SAN MATEO 22

Share

Chashna tapucpi Jesusca: —‘Canta Mandac Taita Diosta tucui shunguhuan, tucui almahuan, tucui yuyaihuan c'uyangui’ ninmi. Cai mandashcami tucuimanta yalli ashtahuan cazunaca. Q'uipa mandashcapish, chai shinallatacmi: ‘Can ima shinami c'uyaringui, chashnallatac shuccunatapish c'uyangui’ ninmi.

Cai ishcai mandashcacunami Moisés mandashcacunamanta, shinallatac Diosmanta ñaupa huillaccuna huillashcamantapish callari shinaca can— nirca.

Cai parlo nishca shinallatac c'ayashcacunaca achcami, acllashcacunaca ashallami— nishpami, Jesusca yachachirca.

Huañushcacuna causarina punzhapica, c'aricunapish, huarmicunapish mana cazarangacunachu, ashtahuanpish paicunaca jahua pachapi cac angelcuna shinami cangacuna.

Impuestota pagana cullquita ricuchichic— nicpica, shuc denario*f** cullquitami ricuchircacuna. Chashna ricuchicpi Jesusca: —Cai cullquipica, ¿pipac ñahuitac, shinallatac pipac shutitac tiyacun?— nishpa tapurca. Chashna tapucpimi paicunaca: —Jatun mandac Cesarpacmi— nircacuna. Shina nicpi Jesusca: —Shinashpaca jatun mandac Cesarpac cashcataca, jatun mandac Cesarllamantac cuichic, shinallatac Diospac cashcataca, Diosllamantac cuichic— nirca.