Popular Bible Verses from SAN MATEO 21

Share

Taita Dios ima mañashcatapish cuc cashcata crishpa mañashpaca, japinguichicmi— nirca.

Shina nicpi Jesusca: —Mana caita chaita yuyashpa Taita Diosta cricpica, mana cai higo yurallachu chashna tucunga, ashtahuanpish cai urcuta ‘caimanta anchuri, mama cuchaman shitari’ nicpica, shitarinmanllami. Chaica chashnatacmi.

Jesuspac huashata riccunapish, ñaupashpa riccunapish: —¡Mandac Davidpac aillupuramanta Apunchic Jesús, cantaca alli ninchicmi! ¡Taita Dios cachashca shamucca, alli nishca cachun! ¡Jahua pachapipish alli nishca cachun!— nircacuna.

Chashna ruhuashpaca: —Dios quillcachishcapica: ‘Ñuca huasica, ñucaman mañana huasimi’ ninmi. Ashtahuanpish cancunaca cai huasitaca shuhuacuna miticuna machai shinatami ruhuashcanguichic— nirca.

“Sión*f** pueblopi causaccunaman cashna nishpa huillaichic: ‘Riquichic, cancunata Jatun Mandacca c'uyai shunguhuanmi burropi montashca cancunapacman shamucun. Paica aparic burropac huahua burritopimi montashca shamucun’ ” nishcami.

Shina nicpi Jesusca: —¿Manachu cancunaca Dios quillcachishcataca ricushcanguichic? Chaipica: ‘Huasita ruhuaccuna mana nishca, shitashca rumillatacmi, huasita ruhuangapac callaripi churana, tucuimanta yalli alli rumica tucushca. Chaitaca Mandac Diosmi chashnaca ruhuashca. Chaita ricushpami, yallita cushicunchic’ nicunmi.

Chashna cashcamantami Taita Diosca cancunata mandanata saquishpa, caishuc paita cazuccunallata mandanga.