Popular Bible Verses from Luqaasi 4

Share

“Hapura Poqalla ana qara ca, ka akkan otootase a fayya teekolaya torro ana shuume. Ka akkan orra hidame'e, furama, ka a ilda in qapnini'i, paata akkeeta salisho, ka a miiddame nata sooksho'e, ana erke. Ka akkan sapana pa'aarumta Waaqa; a oppaayye Poqalla samaytaadin pahado; upnaysho ana erke.

Yesuusi ka ishi oorshe ka kide, “Itaafamte ka kiini, ‘Waaqa Poqallaatti, patta sakatado ka isha pattaaw Waaqaysado.’”

Yesuusi ka ishi oorshe ka kide, “Itaafamte ka kiini, ‘Nama dama pattan kallaanni in co.’”

Yesuusi Hapura Qulqullootatin immakaade ka kirra Yurtaanoosi kapa tiitaawe. Sekkammayye, Hapura Qulqulloota ka isha xaashe ikka koommaytoppopa aane.

Yesuusi ka ishi oorshe ka kide, “Itaafamte ka kiini, ‘Waaqa Poqallaatti in, ekkaysadan.’”

Taapiloosi ete Yesuusi ekkaysatta dikkishe kammaayye, eta desa isha diishe ka kapa tawe.

Se kammaayye taaploosi ka pora takka opeela kide qaropa Yesuusi fayyishe ka mankistewwa piita piisa takka kapa ishi akkishe ka ishi kide, “Hupnose a ukkumeeta isho ulfeenose piisa ke'en daasha. Sede piisa qoota ana daasamte malla nama an heeno'e, daassata in ettansha; Semmalla atti kati ana sakatatta kiiteeyye, sede piisa koddita.” Yesuusi ka ishi oorshe ka kide, “Itaafamte ka kiini, ‘Waaqa Poqallaatti, patta sakatado ka isha pattaaw Waaqaysado.’”

Se kammaayye taapiloosi ka Yursaalamipa Yesuusin aane ka kuuta tika qulqulloota qara isha qaatishe ka ishi kide, “Oton a inna Waaqatiiyyi, intoonno are qara xata shoreey; maana malla itaafamte ka kiini, ‘Akka ke tooytane'e Waaqa erkampattowwaadi ajaja. Akka loqtaayti daka qara in kehaysannini'i, ikka harkaassotin opeela ke qapaneey.” Yesuusi ka ishi oorshe ka kide, “Itaafamte ka kiini, ‘Waaqa Poqallaatti in, ekkaysadan.’”