Popular Bible Verses from Luqaasi 5

Share

Ka ete haasaadi dikkishe kammaayye, Simooni kide, “Koonkasene pakateeteeyye, otantoppopa desa heeqqishe ka murkuja qapa'e nyupuraassin pakateetoppopa kata.”

Simooni ka ishi kide, “Ha Poqallaay, halkeesse kumman ekkanni rafne ka kakkafanne; umma murkuja takka nefo an qapne. Ma xoori oto atti asse kiiteeyye, nyupurasene pakateetoppopa in kata.” Ete nyupurasene kateneeyye, haka nyupurasene kaamannaane'e murkuja dikke leka qapen.

Isha xoori kuyyaata piisa xawwaati koommaytoppopa anni. Ka Waaqa qinsanni.

Anti akka juppoolaya juppootaaysho oppa oorane'en hala de'e diisheey, hanqeellaya hala'e an deene.”

Simooni Peetiroosi, ete sede akkeeyye, Yesuusi tura'e kilpiippade ka kide, “Poqallaay, anti an juppoolaytay, ana kapopa in dehaadan.”

Yesuusi ka ishootta oorshe ka kide, “Ha orra paaqno'e akimitta parpaaccisni diisheey, orra fayya qapo parpaaccisni in co.

Ishootta ete koonkadaasso kamkama qudopa heeqqishen kammaayye, we piisa diishen ka a Yesuusi kammaa anna kodden.

Yesuusi kuyyaata takkaayye katama takkan karaayye ca. Nama takka a dakintaadi piisa tupa qooshootte ka isha kapopa de'e; ka ete Yesuusi akkeeyye, isha tura kilpiippade ka fuula piitan kaye ka isha qinsade ka kide, “Poqallaay, oton iheentaayye, ana dinissa i'ettanissa.” Yesuusi ka harkaadi desa derayshe ka isha quda qappade ka kide, “In heenaay dine ka ajaqqame kodde.” Qooshase ka eennow isha quda tawe.

Kurra Yesuusi xoori, a deyyo qaran qapto'e dakaade. Orra lekayta ka isha dakkaysatta ka paaqaaysho kela dina faani ka ollopa deeni.