Popular Bible Verses from Luka 3

Share

Mango abu bandu boshi bábaa bera bàbatisibwaa, Yesu nai era kwire ábatisibwa. Ábere era éma Ongo, enguba yera kubookala, eMuchima Mubuya-buya era kumwandaalira'ko nga chiruka. Ne'murenge era ekûmvikala kutenga kwa nguba mbu: «Woyo, u'Muala wanyi musiirwa, u'utúla unyísimise busese.»

Yowani kukwera kubabura boshi mbu: «Nyono nábabatisa kwa meshi, si ola wàbahire era nyuma sanyi iwète ebuashi kunyirenza. Chiro ndéte kwa nyìri kwa kùngatuma náboola emirisi ye'birato byai. Yeke i'ungábabatisa kwa Muchima Mubuya-buya no'kwa muliro.

Rero, mundaa mwálosa kurengera emyanya yenyu kwa mwàbindukire kutenga mwa bibi byenyu. Kanji muténdaa mwáchitonga mbu: ‹Tubano, Aburahamu ihokulu wetu.› Nábabura kwa Ongo àngabindula mano makoi kuba bana ba Aburahamu!

Mǔmvaa! Ekakuma kàbikirwe mira mwa bisina bye'michi. Chira muchi woshi ola ùteka bifuma bibuya, angákonjibwa na kuumwa mwa muliro.»

Mwa bacha, emyasi yera kwire yáberera, era murebi* Isaya áanjikaa mwa chitabo chai mbu: «Mundu muuma áteta na murenge munene mwa buyeye* mbu: ‹Mukunganyaa enjira ya Enawetu, mùmuiriraa enjira sa silámbukere! Chira mubanda, angêhusibwa. Na chira ndulungu na chira katulungu, bingáhuba malambo. Enjira sa sìchionyire, singálambukala. Ne'sa siri mwe'tukubo, singálambaatanyisibwa. Ne'bandu boshi bangálola kwa Ongo átununula!›»