Popular Bible Verses from Luka 5

Share

Ábere era àmalaa kukangirisa ebandu, era kubura Simoni mbu: «Fundaa ebwato ala esibe lìri, mwǐne etusira twenyu mwa meshi, munáfube efi.»

Simoni era kumwǎkula mbu: «Aaye Mukangirisi! Ebutufu boshi bwachére twáfuba busira kubona kandu kasibya! Si bushi woyo u'wàtechire'ko, náhuba kuuma etusira mwa meshi.» Bera kwire báuma etusira mwa meshi. Bera kubona efi sinene, kuikira echihangi etusira twabo twábaa twera twábereka.

Si Yesu era kunde áya bure ne'bandu, mu chisiki chai yeine kwémera'yi Ongo.

Ndàbahire kwâmaala ebandu ba bàtungenene era muhondo sa Ongo. Si nábahire kwâmaala ebandu be'bibi, chasiya babínduke kutenga mwa bibi byabo.»

Mango Simoni Petero álolaa kwe'bi, era kukoma emafi era muhondo sa Yesu. Era kuteta mbu: «Enawetu, tèngaa ofu nanyi, bushi nyìri mukosi wa bibi!»

Yesu era kubǎkula mbu: «Ebandu ba bàhaalukire bàtahonda muhake, si ebalwala bu bénde bámuhonda.

Mwo'lu, bera kuhubya emato mabo kwa musike se'nyanja. Bera kureka byoshi na bákulikira Yesu.

Mango Yesu ábaa àli mu musi muuma we'chi chio, kwera kuulukira mundu muuma ola wábaa wèhwire bibenzi kwa mubiri woshi. Oyu mundu álolire ku Yesu, era kufukama era muhondo sai, ne'buso bwera kunaikirira kwa chitaka. Era kumwěma busese mbu: «Enawetu, akaba uhónjire, ùnganyilamya.» Yesu era kunanula emino, era kumuuma'ko na áteta mbu: «Náhonda, ulámaa.» Unao-unao, bya bibenzi kuna kulama.

Si chiro bacha, engulu ya Yesu yera kunaendekera yáhandabana mwa bandu. Bandu banene bera kunde bábuanana chasiya bamûmvirise, balámisibwe ne'malwala mabo.