Popular Bible Verses from लुका 6

Share

अरुके देओ, परमेसोरेइ पुनु तेउह्रासब्‍के देताहात्। ओनेनेइ खाधि-खाधि झुसि बानाइकुन, धेरइ देताहात्। जन नापेइ तोहेसब अरुके देताहाउ, उहइ नापेइ तेउह्रासब्‍के पुनु देताहात्।”

राम्र बानिबेहोरक मानुसेइ आफ्‍न मनक राम्र कुरा नइ निस्‍काइत; तर निजराम्र मानुसेइ चाहिँ आफ्‍न मनयँ भइल निजराम्र कुरा नइ निस्‍काइत किकेकने उक्र मनयँ जे कुरा बाटइ उहइ नइ बोराइत।

तर आफ्‍न सत्‍रुके माया करुक्; उसब्‍के राम्र करुक्। फिर्‌ता पाउलाहार आस नराखिकुन उसब्‍के रिन दिउक, हसे तोहेसब बड्‌क इनाम पाउताहाउ, र परमेसोरक सन्‍तान भइताहाउ, किकेकने परमेसोरेइ बइगुनि र दुख देलारके पुनु माया कर्‌ताहात्।

तेउह्रसब्‍क परमेसोर बुबा जस्‍न दयालु बाटत ओस्‍नइ दयालु भओसब।

“अरुक गल्‍ति नाइखोजिके, परमेसोरेइ पुनु तेउह्रसब्‍क गल्‍ति नाखोजत; अरुके दोस नालागाइके, हसे परमेसोरेइ पुनु तेउह्रासब्‍के दोस नालागाओत; तोहेसब अरुके माफ देनेपार परमेसोरेइ पुनु तेउह्रासब्‍के माफ देताहात्।

“तर मेर अर्‌ति सुन्‍लारके मोइ इसे कुरा कहतम्, सत्‍रुसब्‍के पुनु माया करुक् हसे हेला कर्‌लारके चाहिँ राम्र बेभार करुक्। सराप्‍लाहारके आसिक देउक्, जोनेइ तेउह्रासब्‍के नइजेराम्र कर्‌ताहात् उसब्‍क लागि पार्‌थाना करुक्।

हसे तेउह्रासब्‍के अरु मानुसेइ जिति कर्‌ल चाहाताउ, तोहेसब पुनु ओसिन करुक्।

जोनेइ तेह्राके एक्‍टा गालुयँ चड्‌काइत, उक्र आघु अर्‌क गालु पुनु थापिसाइ; तेर कोट लुटिकुन लेजिके खोज्‍लारके दउरा पुनु लेजिके देउक्। तेरासे माग्‍लारके देउक्, लुटिकुन लेज्‍लारसे फिर्‌ता झुन् माङुक्।

“सप्रल रुखयँ निजराम्र फोर नाफोरइ न त निजसप्रल रुखयँ राम्र फोर फोरिके सकित।

सभइ रुख उक्र फोरसे चिन्‍ताहि। काटोक झाङसे नेभारा नाटोरिहि न त उछिसे अङ्‌गुर नइ बोटेताहि।