Popular Bible Verses from लुका 8

Share

तर राम्‍मो मोटौनो पर्‍या बिउ तिँ हुन्, जोले बचन स्‍हुनि राम्‍मोबिचार र भलो कुडा हिर्‌दयउदो राख्‍तोछ र बचन मान्‍नाछुन्, र धिरगरि फल फल्‍लाउँछुन्।

काँडौदो पर्‍या बिउ तिँ हुन्, जोले बचन स्‍हुन्‍छ, तर जुनिको चिन्‍ता, धुन-सुम्‍पति, सुख-चैनमै पडि बड्‌न पाउनैनुन्, र तेइको फल पाक्‍तैन।

ढाँरौनि पर्‍या बिउ तिँ हुन्, जोले बचन स्‍हुनि खुसि मान्‍नाछुन्। तर तिनुको जराहुनैनुन्, र तिनुहरुको बिसास केइ बेला स्‍हम्‍म हुन्‍छ, तेइबिअ जाँचको बेलामै तिनुको पतन हुन्‍छ।

इसुले चेलाहरुकन भुन्‍या, “काँगो तुमिहरुको बिसास?” चेलाहरु अच्‍चुम्‍म मान्‍या र भेइमान्‍दै आपु-आपु कुडा गन्‍न लाग्‍या, “यिँ को हुन्? यिँनुले आँधिबेरिकन पुनि आग्‍या गर्‍यार, तेइले पुनि यिनुको भुन्‍या मान्‍यो।”

बाटौनो पर्‍या बिउ भुन्‍नाले जो बचन स्‍हुन्‍छ, तर बचन स्‍हुनि बिसास नमानोस् र नबाँचुन् भुनि सैतान आइकन तिनुको मुनौदो भया बचन ल्‍हिल्‍लोछ।

“यइगरि लुकाइ राख्‍या ज्‍या जति छुन् ति उगाडो पारिन्‍याछ, ज्‍या जति बुइन स्‍हकिदैन छर्लङग देखिन्‍या छुन्।

तेइ स्‍हैनि लुक्‍न नस्‍हकिन्‍या रैछभुनि भेइले काम्‍दै आइ र इसुका अगेडि घोप्‍टो परि। क्‍यान तिनुकन छुइ, क्‍यारि स्‍हँट्‌टै भलो भइ स्‍हबैका अगेडि भुनि। इसुले स्‍हैनिकन भुन्‍या, “तेरा बिसासले तोकन भलो गर्‍याछ, सान्‍ति स्‍हात जा।”

चेलाहरु इसुका काखैति गइ उठाउनै भुन्‍या, “गुरुज्‍यु, गुरुज्‍यु, हामि डुब्‍नलाइग्‍यौ!” तिँ उठ्‌यार आँधिबेरिकन हप्‍काया, र तेइबेलै आँधि थामियो र सान्‍त भयो।