Popular Bible Verses from Markus 13

Share

Ne otamu ka tondiua kaantu ajeshe moru edina rjandje, ndere ngu ti ididimike sigo okusa, ohe ta ku upicua.

Taatareni, diginineni, ne tamu garikana, oshoka kamu tshi otundi ndjino.

Nge taa mu fara komapanguro, inamu mbandara tango, shi tamu ka popja, ndere popjeni shi tamu rombuerua meni potundi ndjika, oshoka ha ne tamu popi, aaue, Ombepo Ondjapuki tuu.

Eguru nevi otari shuru po, ndere eehapu dandje itadi shuru po.

Ndere esiku notundi ndjija kapen’omuntu e hi tshi, naajengeli uo nOmona, oTate oh’ike tuu.

Nge tamu ku uva iita neemurombo diita, inamu mbandara, oshoka ajishe oji nokuningua, ndere natango eshuriro inari ja.

Taatareni ano, oshoka kamu tshi otundi, muene guegumbo nge te ja, ongura nenge uusiku, omakondomboro nge tag’igi nenge etango nge tari piti. Opo ke mu ade mua koca, nge te ja ombazirira. Shi tandi mu rombuere, otii tshi rombuere uo ajeshejeshe: taatareni!

Oshoka otshiguana otatshi ka cikama, tshi kondjice otshiguana, notshirongo notshirongo otsho tuu. Omakekamo gevi nondjara otahi ke ja, keemukunda no keemukunda. Ajishe mbiono etameko ouara rjuuhehame.

Evangelium otari ku uvicirua tango uujuni aushe.

Oshoka ojendji otaa ke ja medina rjandje, nde taa ti: Ongaje ngu, nde taa ka pukica ojendji.

Itareni ne jene, mu kotoke, oshoka otaa ke mu gandjera epanguro, meesinagoga jo taa ke mu denga neengora, otamu cikamekua miipaci jomarenga no jaakuaniirua morua ndje, mu okorore pu jo.

Oshoka ookristusa jiirombo naaprofeti jiirombo otaa ke ja, jo taa ka ronga omadidiriko niirongankondo, opo ja pukice uo aahogororua, nge taa tshi vuru.

Momasiku ngano nga taga randura iishuna mbi, etango otari ruuda, nomuedi otagu kara itagu jere ue. Eenjoci otadi gu ko keguru, neenkondo di di ri keguru, otadi tengenja.