Markus 13
13
ONTOPORUA 13.
Eshuriro rja Jerusalem no rjuujuni.
1Sho a zi mo montempeli, gumue guo maarongua je okua ti ku he: Tara ko, Muongi, omamanja niitungua ojo opara ngiini?
2Jesus h’ote mu jamukura: Ou uete tuu iitungua mbi iinene ajishe? Ndere itapu ka kara emanja kombanda hemanja, ajishe otaji kumunua po.
3Sho a kaatumba kondundu heemono, a taarera kontempeli, Petrus na Jakobus na Johannes na Andreas oje mu pura oj’ike, taa ti:
4Tu rombuera ano, mbika ajishe otaji ka ningua unake? Notshidimburukico otshiini? Neshuriro rjajishe mbi otari ja unake?
5Jesus h’ote ja jamukura: Tareni, kamu pukicue nand’okomuntu.
6Oshoka ojendji otaa ke ja medina rjandje, nde taa ti: Ongaje ngu, nde taa ka pukica ojendji.
7Nge tamu ku uva iita neemurombo diita, inamu mbandara, oshoka ajishe oji nokuningua, ndere natango eshuriro inari ja.
8Oshoka otshiguana otatshi ka cikama, tshi kondjice otshiguana, notshirongo notshirongo otsho tuu. Omakekamo gevi nondjara otahi ke ja, keemukunda no keemukunda. Ajishe mbiono etameko ouara rjuuhehame.
9Itareni ne jene, mu kotoke, oshoka otaa ke mu gandjera epanguro, meesinagoga jo taa ke mu denga neengora, otamu cikamekua miipaci jomarenga no jaakuaniirua morua ndje, mu okorore pu jo.
10Evangelium otari ku uvicirua tango uujuni aushe.
11Nge taa mu fara komapanguro, inamu mbandara tango, shi tamu ka popja, ndere popjeni shi tamu rombuerua meni potundi ndjika, oshoka ha ne tamu popi, aaue, Ombepo Ondjapuki tuu.
12Omumuahina ota ka gandja omumuahina mokusa, na she ota gandja omona, naanona otaa ka kondjica aakuruntu, nde taa ja dipaga.
13Ne otamu ka tondiua kaantu ajeshe moru edina rjandje, ndere ngu ti ididimike sigo okusa, ohe ta ku upicua.
14Nge tamu mono iishuna jeshanaguro je ja, mpo inaji arikua nande — ngu ta resha, he na nongone — ngu e ri mu Judea, na he meendundu.
15Ngu e ri pombanda hondunda, ina rondoroka po a he megumbo; ina ha mo ue a ke ete tsha;
16Ngu e ri mepja, ina garuka a ke ete onguuo he.
17Ojeeje nahi kare kaasimba no kaamuaari momasiku ngo!
18Indireni ike, shi katshi ningue pokufu.
19Oshoka momasiku ngono onamu kara iishuna ngashi inaji uvika, jo itaji ku uvika ue okuza ketshito sigo onena.
20Muene ngeno ina shupipika omasiku ngano, ando kapen’omuntu tu upicua, ndere moru aahogororua je okua shupipika omasiku ngejaka.
21Omuntu nge te mu rombuere mpoka: Tareni Kristus e ri huka nenge huija, inamu tshi iteera.
22Oshoka ookristusa jiirombo naaprofeti jiirombo otaa ke ja, jo taa ka ronga omadidiriko niirongankondo, opo ja pukice uo aahogororua, nge taa tshi vuru.
23Kareni nuudiginini, tareni, onde tshi mu shunganekera.
24Momasiku ngano nga taga randura iishuna mbi, etango otari ruuda, nomuedi otagu kara itagu jere ue.
25Eenjoci otadi gu ko keguru, neenkondo di di ri keguru, otadi tengenja.
26Petango ndioka onaa ka mona Omuna guOmuntu, te ja miikogo neenkondo nehadimo.
27He ta tumu ko aajengeli je ja ka gongorore ko aahogororua je keembinga adishe iine, okuza keshuriro rj’uujuni sigo okuunene ueguru.
28Ihongeni ejere komukuju. Iitaji jago nge taji rouo, nuufo nge tau ja ko, otamu dimburura nokutja okuenje oku ri popepi.
29Notsho uo ne, nge mu uete ajishe mbijaka taji ningua, tshiueni, eshuriro ori ri popepi unene potsheero.
30Tshiri, andi mu rombuere, orudi nduka itaru shuru po, manka ajishe inaji ningua.
31Eguru nevi otari shuru po, ndere eehapu dandje itadi shuru po.
32Ndere esiku notundi ndjija kapen’omuntu e hi tshi, naajengeli uo nOmona, oTate oh’ike tuu.
33Taatareni, diginineni, ne tamu garikana, oshoka kamu tshi otundi ndjino.
34Otaku ningi ngashi omuntu, ngu ta ka tshiinga, ta cigi po egumbo rje, ta p’aakareri epangero mu keshe tuu otshironga, nde ta rombuere omurangeri guotsheero a taatare.
35Taatareni ano, oshoka kamu tshi otundi, muene guegumbo nge te ja, ongura nenge uusiku, omakondomboro nge tag’igi nenge etango nge tari piti.
36Opo ke mu ade mua koca, nge te ja ombazirira.
37Shi tandi mu rombuere, otii tshi rombuere uo ajeshejeshe: taatareni!
Currently Selected:
Markus 13: KWM
Highlight
Share
Copy
Want to have your highlights saved across all your devices? Sign up or sign in
Omission Heklesia Ekatolika, 1951. Namibian Catholic Bishops Conference.
