Popular Bible Verses from San Lucas 12

Share

Ja̧'wa̧nü̧ jü̧ta̧'a̧nü̧ ukutu'i̧nä̧ jo̧mȩnü̧ tta̧'ä̧rü̧ kka̧kuä̧tu̧kui̧; isopäi'ünä̧ ubo I̧tti̧mä̧ tta̧kuä̧rä̧tu̧kuo̧ko̧mȩnä̧ i̧chä̧kua̧.

Ja̧'wa̧nü̧ ja̧'a̧ttü̧ ä̧kuo̧mȩnä̧mä̧, Ru̧wa̧ Dio weütä usätukui, kusätukuomȩnä̧, pi̧yȩ rekuä rü̧jü̧ o'kajuiyünä̧mä̧ kuȩmä̧kuo̧tü̧jä̧.

Ja̧'wa̧ta̧nü̧ päinä̧u̧: —Tta̧'a̧rä̧kuä̧u̧ kka̧kuä̧tu̧kui̧, pi̧jä̧ttü̧ kku̧nä̧rä̧kuä̧wä̧ kkü'kekunä̧ usäwänä̧ ma̧kuä̧mä̧tu̧ku̧ juiyäkua'anü̧; isopäi'ünä̧ ttiäre rü̧ȩnä̧ ttu̧ju̧nä̧ra̧ja̧ pä'üdä̧jä̧, tta̧'kua̧rü̧mä̧ kku̧nä̧rä̧kuä̧wo̧kü̧ ja̧'a̧.

Ja̧'wa̧nü̧ ja̧'a̧ttü̧, kuiäre mikuäu kko̧mȩtä̧, kkä̧kua̧'a̧ kua̧mi̧'iso'kimä̧.

¿Ja̧'wa̧ta̧nü̧ ukututtü ya̧tȩ, a̧'kua̧ ro'eku, ya'ute ttü̧yü̧'ka̧ri̧ jo̧mȩnä̧ üotodäkuäwa päüttümä̧, üotodäkuäu'anü̧ ja̧'a̧ tä̧jí̧?

Jua̧u̧nü̧ o'ka'a Jesú-mä̧ u̧wo̧juȩtä̧u̧rü pä'inü̧: Pi̧yȩ ukuturu pä'üsä: Kua̧'kua̧rä̧tu̧ku̧ jäwämä̧, kua̧'kua̧ rokuekuätukuä, däjé chukuäkua'ajó pä'ümä̧; ja̧'wa̧ta̧nü̧ kuidepätuku jäwä'i̧nä̧, däjé chü̧'ka̧tä̧wä̧kua̧'a̧jó pä'ümä̧.

Jua̧u̧ jü̧ta̧'a̧nü̧, kuwo'chetuku'i̧nä̧ o'kajuiyütä pa̧ja̧tü̧ kku̧nä̧wa̧'a̧. Ja̧'wa̧nü̧ ja̧'a̧ttü̧ yekuekuätukuä; ukutumä̧ ppi̧yu̧ttü̧'i̧nä̧ abonä̧nü̧ mikuäwätüjä̧.

Yekuekuätukuä, chä̧ji̧mü̧ oweja-tü̧; ukutumä̧ a̧'u̧ku̧nä̧tä̧ wotü kuätukua'anä̧, Kuä'otukuru adiwomȩnä̧ uruwo weü iyinä̧u̧jä̧

Ppi̧yu̧ru̧ amükuädü topätukui: Kuäwämä̧ kku̧ni̧pü'kotümä̧, ka̧ka̧tü̧ i̧so̧ka̧nä̧ kku̧no̧ko̧tü̧ ja̧'a̧nä̧, Dio-mä̧ u̧kuä̧jȩ'ä̧u̧. ¿Ukutumä̧, juätüttü'i̧nä̧ abonä̧nü̧mä̧ mikuäwokotüjä̧ tä̧jí̧?

Ja̧'wa̧nü̧ ja̧'a̧ttü̧, kua̧'kua̧ tta̧kuȩkuä̧tu̧kuä̧, däjé tukuäkua'ajó ja̧'wa̧ta̧nü̧ däjé tawäkua'ajó pä'ü, kua̧'kua̧ ro'ekumä̧.

Ja̧'wa̧nü̧ jo̧ka̧'a̧'i̧nä̧, isä'kua jitä mo̧ro̧mä̧ de'a kkä̧'kua ja̧'a̧nä̧, yo̧i̧mo̧ro̧mä̧ kku ikuäwäkuä'kua'i̧nä̧, Dio-mä̧ ü̧'ka̧ta̧'a̧mä̧, ¿jua'a abonä̧nü̧, ukuturumä̧, ü̧'ka̧to̧ka̧'a̧ jä̧kua̧'a̧ tä̧jí̧?

Isopäi'ünä̧ yä̧wä̧i̧nä̧tä̧, da̧jä̧rä̧kuä̧wä̧mä̧ juiya'a; ja̧'wa̧ta̧nü̧ ttu̧ttȩpä̧ri̧'ü̧ juiyünä̧ ä̧ppü̧tä̧rä̧kuä̧wä̧'i̧nä̧ juiya'a.