Popular Bible Verses from San Lucas 9

Share

Ja̧'wa̧ta̧nü̧ o'katoi'ünä̧rü̧ pä'inü̧: —Ttü cho'ka'anä̧, ya̧tȩ icha päüttümä̧, a̧mü̧nä̧ pa̧ja̧tü̧ repeü kä'ädi'ü, mo̧ro̧ ji̧nü̧ a̧'u̧kuä̧, ü̧jo̧kä̧nü̧ jäi, (cruz) pättäi ȩmi̧pü̧, cho'ka'anä̧ ichí.

Isopäi'ünä̧ a̧'kua̧rü̧ toe'ächa pä'okümä̧, to̧ȩ'ä̧chä̧kua̧; ja̧'wa̧nü̧ ja̧'a̧nä̧ ttü jäwänä̧ a̧'kua̧rü̧ to'e'ächümä̧, a̧'kua̧rü̧ ȩmä̧kua̧.

Ja̧'wa̧nü̧ päiyäku Jesú-mä̧ päinä̧ku̧: —Ya̧tȩ rȩjȩ kkiäwäkä u̧mü̧nä̧ 'chu̧'ä̧di̧'ü̧'ka̧ o'ka'aku kkärächü topümä̧, Dio weomȩ adita pä'ümä̧ weyekua'a.

Ja̧'wa̧nü̧ ja̧'a̧ttü̧ ¿Däjenä̧tä̧ ü̧ji̧pä̧kua̧'a̧jä̧ttü̧, pi̧jä̧ jäwä o'kajuiyünä̧ ȩma̧ja̧ pä'ü'i̧nä̧, a̧'kua̧rü̧ toe'ächomȩnä̧mä̧?

Ja̧'wa̧ta̧nü̧ ya̧tȩ ttü chütü'kü'i̧nä̧, chi̧wȩnȩ'i̧nä̧ udäpekuttümä̧ ja̧'wa̧ta̧nü̧ Ttü ubo I̧tti̧'i̧nä̧ jua̧u̧ ütü'kümä̧ chü̧dä̧pȩkuä̧kua̧, Chä'o ujuruku, uruwoku, á̧gȩrȩ-ku̧ chichomȩnä̧.

Päku, Jesú-mä̧ ädätinä̧ku̧: —A̧wa̧ri̧tü̧mä̧ ttäjuwiyä kku̧nä̧rä̧tü̧ ja̧'wa̧ta̧nü̧ ppi̧yu̧'i̧nä̧ ttä̧'ti̧yu̧ kku̧nä̧rä̧tü̧; ja̧'wa̧nü̧ ja̧'a̧nä̧, ttü Ubo I̧tti̧mä̧ Chu kuä'epü chü̧'o̧mȩ'i̧nä̧ jui̧'a̧sä̧.

päinä̧u̧: —Ttü chi̧mi̧nä̧ pide ji̧'ki̧cha̧wa̧rü̧ do'ädümä̧, ttürü'i̧nä̧ do'ädü; ja̧'wa̧ta̧nü̧ ttürü do'ädürümä̧, ttürü we'inü̧rü̧'i̧nä̧ do'ädü. Ja̧'wa̧nü̧ ja̧'a̧ttü̧ ukutu o'katoi'ünä̧ttü̧ ji̧'ki̧cha̧wa̧mä̧, jua̧u̧ jä̧kua̧'a̧ ku̧wä̧mȩtu̧ku̧nä̧ ukuo i̧sa̧mä̧.