Popular Bible Verses from San Mateo 7

Share

“Jä'epätucui. Jacuhue'ätucumä, cuȩmä̧cuo̧tö̧jä̧. Usätucui. Cusätucumä, cu̧'o̧cui̧'ä̧cuo̧tö̧jä̧. Äpate ä'ca 'ta'tapätucui. 'Ta'tacuätucuttumä, bahuecuächäcua'a.

Ya̧tȩ jäepöttömä, ȩmä̧cua̧. Ja̧'hua̧ta̧nö̧ ya̧tȩ usuttumä, ö̧'o̧cui̧'ä̧cua̧. Ja̧'hua̧ta̧nö̧ ya̧tȩ äpate ä'ca 'ta'taöttömä, äpate bahuecuächäcua'a.

“Ja̧'hua̧nö̧ ja̧'a̧ttö̧ ya̧tȩ ttö pädömä ä̧ju̧cu̧ jȩo̧mȩnä̧, ka̧ra̧ rö̧ȩnä̧ huo̧jua̧ ojusode inähuä huäme aditinö jä̧'i̧nö̧'a̧nö̧ hua̧.

“Ja̧'hua̧nö̧ ja̧'a̧ttö̧ korotö ucuturu jȩtta̧ päcuhuätucumä, jahuätörötä ä'canä adiu jȩpä̧tu̧cui̧, ucutu jȩcu̧'ä̧tu̧cu̧ ta'anö jȩtta̧ pä'ö ucuturu. Iso päi'önä Moisés hueähuä huȩnȩ'i̧nä̧, Dios i̧huȩnȩ jiäcuähuä isotö pättinö huȩnȩ'i̧nä̧ ja̧'hua̧nö̧ päa'a, —pä'ö huo̧juȩti̧nö̧do Jesús.

Pärocua'anä kä̧cuä̧huä̧ i'co rȩbȩä̧cuä̧huä̧mä̧ mä̧nä̧'i̧nä̧, äpate'inä ji̧'qui̧cha̧ja̧'a̧do. Ju̧huä̧mä̧ a̧'u̧cu̧nä̧tä̧ po̧cui̧pä̧tö̧do.

Juhua'a yabonö huo̧juȩti̧nö̧do Jesús: —Äpate ji̧'qui̧cha̧jatenä do'ächätucui. Suronä jȩpä̧tö̧ totte'äcuämä mä̧nä̧'i̧nä̧, äpate'inä cähuea'ado. Ju̧huä̧mä̧nä̧ recuätö 'chä̧tö̧.

Ucutu suronä jȩä̧cuä̧huä̧ ttö̧ja̧'i̧nä̧ cui̧tti̧mö̧tu̧cu̧ru̧mä̧ adiutä iyähuänä huo̧juä̧tö̧jä̧. Ju̧huȩnȩ abonänö Cuä'o Dios mo̧ro̧jä̧ra̧'a̧ kö̧mä̧, adihuä juäi i̧yä̧cua̧ churutä jä'epätörömä.

Juhua'a yabonö huo̧juȩti̧nö̧do Jesús: —Korotörö suronä päcuhuätucuä', Dios ucuturu'inä suronä päö juiya pä'ö. Korotörö päcuhuätucu ta'anö, ucuturu'inä pä̧cua̧. Iso päi'önä korotörö päcuhuätucu ta'anö, pä̧cua̧ ucuturu'inä.

Ja̧'hua̧ta̧nö̧ ya̧tȩ ttö pädömä ä̧ju̧cu̧ jȩpo̧cö̧mä̧, ka̧ra̧ yoröiso jȩru̧pa̧mä̧ ojusode rȩba̧nä̧ aditinö jä̧'i̧nö̧'a̧nö̧ hua̧.

¿Tta̧'a̧nö̧ pä'ö tocu'ättö cu̧jä̧hua̧ ö'ärenä i̧so̧'quȩ ji̧'qui̧cha̧jo̧'quȩ ȩca̧'a̧nä̧, ucu'inä cu'ärenä isodä ȩcä̧cu̧jä̧? Ja̧'hua̧ta̧nö̧ ¿tta̧'a̧nö̧ pä'ö päcuhuättö cu̧jä̧hua̧rö̧? “Cu'ärenä ȩcö̧ ȩmö̧ chicuacu”, ucutä cu'ärenä'inä isodä ȩcä̧cu̧jä̧.

“Korotömä “Dios i̧huȩnȩ ji'ähuätöjä” pätta'anä, yapareu jittähuomenä cuesetätucuä'. Jahuätömä ucuturu ichö o̧vȩja̧stö̧ jȩttö̧'a̧nö̧ jȩpä̧tö̧ yapareu. Ji̧nä̧ isocu ä̧hui̧ri̧tö̧ ra̧huä̧rä̧tö̧ jä̧'i̧nö̧'a̧nö̧ huotö. Ucutumä jahuätö jȩttö̧ topö cu̧huo̧juä̧cuo̧tö̧jä̧. Iso päi'önä uva sa̧dö̧ juäi huȩjo̧cö̧do so̧i̧nä̧mä̧. Ja̧'hua̧ta̧nö̧ soadenämä huȩjo̧cö̧do araramä.

Ja̧'hua̧nö̧ ja̧'a̧ttö̧ o'ca juiyönä adihuä juäi daumä, u̧huä̧ju̧ adihuä juäitä huȩjö̧do. Ja̧'hua̧ta̧nö̧ o'ca juiyönä suräjuäi dau, u̧huä̧ju̧ suräjuäitä huȩjö̧do.

Iso päi'önä adihuä juäi dau, u̧huä̧ju̧ suräjuäimä huȩjo̧cö̧. Ja̧'hua̧ta̧nö̧ suräjuäi dau, u̧huä̧ju̧ adihuä juäimä huȩjo̧cö̧.

O'ca juiyönä dauhuiyä adihuä juäi huȩjo̧cö̧mä̧, ku̧'u̧ icu, ku tticu'a̧nö̧ ja̧'a̧ ocuränä.