Popular Bible Verses from Мф 27

Share

Ӹндекш цӓш кытлашты Иисус кого юк доно сӹгӹрӓл колтен: «Или, Или! Лама савахфани?» Тӹдӹжӹ «Йымем, Йымем! Малын Мӹньӹм коденӓт?» манмы лиэш.

Тӹнӓм Йымын пӧртӹштӹ кечӹшӹ кого савыц кӱшӹцӹн ӱлӹкӹ коктеш кышкедӓлтӹн, мӱлӓндӹ цӹтӹрнӓлтӹн, кого кӱвлӓ шелӹнӹт, шӹгер ыражвлӓ пачылтыныт. Колышы шукы святойын кӓпшӹ ӹлӹжӹн

Но Иисус эчеӓт когон сӹгӹрӓл колтен, дӓ йӓнгжӹ лӓктӹн.

Шӱдӹвуй дӓ тӹдӹн доно иквӓреш Иисусым оролышывлӓ, мӱлӓндӹ цӹтӹрнӹмӹм дӓ ма лимӹм ужмыкы, когон лӱдӹнӹт дӓ попенӹт: «Тӹдӹ лачокшымат Йымын Эргӹ ылын».

Куд цӓшӹш кемӹ гӹц ӹндекшӹшкӹ кемӹ якте улы мӱлӓндӹ вӹлнӹ пӹцкемӹш лин.

Пилат нӹнӹлӓн попен: «Мам вара мӹнь Христос манмы Иисус доно ӹштем?» Тӹдӹлӓн цилӓн попенӹт: «Пыдален сӓкӹмӹ лижӹ!» Вуйлатышы келесен: «Махань вара худам Тӹдӹ ӹштен?» Но нӹнӹ эче когоракын сасленӹт: «Пыдален сӓкӹмӹ лижӹ!»