Popular Bible Verses from Wenía 28

Share

Mĩ niátipakĩse peshót ashõ mia ẽ vesokatsa. Aská avaikĩ, naaivo maĩ arimẽse mia ẽ ewevarãókatsa. Mia enema ikatsai, mia aská akatsai ivo katsése mia ẽ ashõkõvaĩkatsa”, akĩ tanamakĩ.

Yavé aa tavásho vanainái. “Earo Yavé, Abraão, Isaque aatiisho ravipaóa ivo Yové ea. Naa, mĩ anõ rakáa ivo mai, mia, mĩ revomarasĩ aatii mato ẽ inãkatsa.

Jacó aská akĩ namátani vesokaĩsho, “Anõse, Yavé neno niá ẽ oĩai, ẽ tanamarvi”, ikí.

Aská avaikĩ, Jacó tekísma ivõ Yové Koĩnĩ vanai. “Yové Koĩní, evé nishõ ea vesoi, pitinĩ akĩ õpo ea inãi, arimẽse ẽ papanamã meskótaimaki ea nokómaí, mĩ aká ivoro, mia ená ikatsai. Aská shasho mashko ẽ tsaõnia ivonamãro, mĩ shavá ikatsai. Aská akĩ ea mĩ inã ivo katsése, 10tíi pashka pashkavaíki, westíse arimẽse mia inãvaĩvaĩkatsa”, akĩ Jacopa.

Minõsho revovaĩkatsayavorasĩ mai pototii ikatsai. Atovose peás ii itãi vari oátõ, vari kaatõ, naí paróri, naí paró wetsã, shokoi aa atãkatsavo. Askái yora shoko wetsarasĩro mia, mĩ revomarasĩ akámẽsho ashkã vana roapa netãnásho shokokatsavo.

Aská avaikĩ ano aneki “Betel” akĩ aneki, vevotiã ãwẽ anero Luzmẽkĩ.