Wenía 28
28
1Askávai txipo Isaquẽ Jacó kenasho vana roapatõ akatsiinã tanamakĩ. “‘Neno Canaã shavo ẽ ninivarãnõ’, iroa. 2Ramaro Padã-Arã shavapa katã, anosho mĩ txaitxo Betuẽl shovõ nishõ, mĩ koka Labãone meráshavo atã, oĩki. 3Yové Weeya ivõ roapa ivo mia ashõtikĩra. Mĩ revomarasĩni ato revomaotikĩra, atomẽsho yora shoko wetsarasĩ ave shovinõvo. 4Abraão vana roapa ã netãtõsevi mia ashõotikĩra, mĩ revomarasĩ aká. Anosho miapámavorasĩ ato nakosho nishõ, mai mĩ ivoketikĩra, Yové Koĩni Abraão inãti ivo mai”, akĩ. 5Isaquẽ Jacó aská akĩ yonomaĩnõ, Padã-Arãnamã#28.5 Naaivo shaváro Abraãone eneti ivo, Yovepa yonoatõsho kaí, arameu yora Betuẽl vake Labãonamã. Labãone takero Rebeca, Esaúnĩsho Jacopa ewa.
6Askáki Esaupa, Jacó ãwẽ papã vana roapatõ avai ivo chinãki. “Padã-Arãnamã kashõ aská atso aĩ iái, askámẽkĩ Canaã shavo ninivarãroa”, ãwẽ avai ivo chinãki. 7Askávaíse, Jacó ã papanĩsho ãwẽ ewã vana anõ avainii, “kaitserã, Padã-Arãnamã”, ikĩ tanaóki. 8Askái, “ẽ papa Canaã shavo roa amísmarvitserã”, ikĩ chinãóki. 9Askáshovísi, arí aĩ ayasmẽkĩ, kashõ Ismaẽl shovõ nishõ Maalate ninivarãki. Maalatero Nebaiotẽ take, atõ papa Ismael, atõ ochtxóro Abraão.
Jacopa Betelnamãsho namáti ivo yoã
10Askái Jacó Berseba shavá enevaĩi kaí, Harã shavá chinãvaĩki. 11Yãtamaĩnõ, wetsanamãse shasho mashko ninivarãsho anõ vosekmeinasho oshai. 12Ano oshai rakásho namáki ãwẽ oĩa, paíti maĩ votówani kaí, naí shavapa kaa oĩki. Aská yonótaya yovérasĩ paítinĩ nerisho onenii voí, orisho onepakei veí akávo ãwẽ oĩmaĩnõ 13Yavé aa tavásho vanainái. “Earo Yavé, Abraão, Isaque aatiisho ravipaóa ivo Yové ea. Naa, mĩ anõ rakáa ivo mai, mia, mĩ revomarasĩ aatii mato ẽ inãkatsa. 14Minõsho revovaĩkatsayavorasĩ mai pototii ikatsai. Atovose peás ii itãi vari oátõ, vari kaatõ, naí paróri, naí paró wetsã, shokoi aa atãkatsavo. Askái yora shoko wetsarasĩro mia, mĩ revomarasĩ akámẽsho ashkã vana roapa netãnásho shokokatsavo. 15Mĩ niátipakĩse peshót ashõ mia ẽ vesokatsa. Aská avaikĩ, naaivo maĩ arimẽse mia ẽ ewevarãókatsa. Mia enema ikatsai, mia aská akatsai ivo katsése mia ẽ ashõkõvaĩkatsa”, akĩ tanamakĩ.
16Jacó aská akĩ namátani vesokaĩsho, “Anõse, Yavé neno niá ẽ oĩai, ẽ tanamarvi”, ikí. 17Askái rakéi vanai. “Nenoro rakérívi, Yové Koĩni shavárvi, neno naí shavári kepoti sawérívi”, ikí. 18Askái shavá nakoi weníináki ãwẽ anõ vosekméa shasho mashko tsaõnivaíki, azeite shenĩ voiki.#28.18 Aaivo tanáti shenĩ voiro anõ eséyakĩ ashõa, aaravĩki 19Aská avaikĩ ano aneki “Betel” akĩ aneki, vevotiã ãwẽ anero Luzmẽkĩ.#28.19 Hebraicõ vana “Betel” ikíro “Yové Koĩni shavá” 20Aská avaikĩ, Jacó tekísma ivõ Yové Koĩnĩ vanai. “Yové Koĩní, evé nishõ ea vesoi, pitinĩ akĩ õpo ea inãi, 21arimẽse ẽ papanamã meskótaimaki ea nokómaí, mĩ aká ivoro, mia ená ikatsai. 22Aská shasho mashko ẽ tsaõnia ivonamãro, mĩ shavá ikatsai. Aská akĩ ea mĩ inã ivo katsése, 10tíi pashka pashkavaíki, westíse arimẽse mia inãvaĩvaĩkatsa”, akĩ Jacopa.
Currently Selected:
Wenía 28: YKV
Highlight
Share
Copy
Want to have your highlights saved across all your devices? Sign up or sign in
Active: © Wycliffe Bible Translators, Inc. All rights reserved
