Popular Bible Verses from João 17

Share

Askái mĩ anõpa ivo vanãsho miaravĩki ato shokõtso. Mĩ vana aaivoro anõpa ivoserívi.

Askái awetima chinãro neskávere. Mia Yové Koĩ westíse ivo anõ akí, ea Jesus Cristo ato mĩ yonoshoyãta ivo anõ akí ave anõvo.

Naarasĩchtase mia ẽ yokáshoamarívi. Atovõ wetsarasĩ yosĩómaĩnõ ea anõ amaĩnõvo, ato mia ẽ yokáshoóa, westíse keskái ave shokonõvo iinã. Askái ea mivé txiwánanãsho nõ shokoatõ ave ionõvo. Atõ askámaĩnõ naa mai shavapa ea anõ amísma ivorasĩni ea mĩ yonomtá ivo ave anõ anõvo.

‘Ea anõ amísma ivorasĩ shokoanamãsho ato kawinítso’ iinã ẽ ikímarívi, ‘Satanás ato teashotso’, iinã ẽ ikírvi.

Enõ eséyakĩ ea mĩ nitxĩa keská akĩ atomẽ eséyakĩ ato ẽ shokõai, noke westíse shokoi ikítõ ikí ave shokoónõvo iinã. Askásho, ea ato txiwásho nii, mia ea txiwásho nii nõ akáro aská, chinã westíse toĩsho anose kesosho shokokatsavo. Aská oĩinãro naa mai shavapa shokoyavorasĩni ‘ãatõ yonomtátserã’, ikĩ mia chinãshoí, ‘enõ mĩ noíatõsevi ikí atomẽ noí aoi’, akĩ tanakatsavo.