Popular Bible Verses from यूहन्‍ना 1

Share

पर जथगा लोगु न वेतैं स्वीकार कैरी, याने कि जथगा वे पर बिस्वास करदिन, वेन ऊंतैं परमेस्वर की औलाद होण को अधिकार दियूं च।

शुरुवात मा वचन छौ। अर उई वचन परमेस्वर का दगड़ा मा छौ। अर उई वचन परमेस्वर छौ।

अर यू उज्याळु अन्धेरा मा चमकदु च, पर अन्धेर न वेतैं स्वीकार नि कैरी।

अर उ वचन सरील का रुप मा मनखियों का बीच मा ऐ। अर हम पर भरपूर किरपा कैरिके अर परमेस्वर की पूरि सच्‍चै हमतै बतै के हमरा बीच मा रै। अर वेकी महानता तैं हमुन देखि। अर पिता परमेस्वर न वेतैं बिजांम महान बणै, किलैकि उ वेको इकलौतु पुत्र च।

अर सब कुछ वेसे बणयै गै अर जु कुछ भि बणयै गै, उ सब कुछ वेका ही द्‍वारा बणयै गै। यू वचन जीवन देण वळु छौ अर यू जीवन ही मनखियों खुणि उज्याळु लेके ऐ।

अर दुसरा दिन यूहन्‍ना न यीशु तैं अपणी तरफा औन्द देखि अर बोलि, “अफार देखा, परमेस्वर को भेज्यूं मेम्‍ना, जु कि अपणु बलिदान देके दुनियां का लोगु का पापों तैं उठे के लि जान्दु।

अर उ दुनियां मा छौ अर दुनियां वेका द्‍वारा ही बणयै गै, पर दुनियां का लोगु न वेतैं नि पछ्याणी। उ अपणा निज लोगु का बीच मा ऐ, पर वेका अपणा लोगु न वेतैं स्वीकार नि कैरी।

अर सच्‍चु उज्याळु जु हरेक मनखि तैं उज्याळु देन्दु, उ दुनियां मा औण वळु छौ।

भौत पैलि मूसा का द्‍वारा त नियम-कानून दिये गैनी, पर यीशु मसीह का द्‍वारा ही हमतै किरपा मिली अर परमेस्वर की सच्‍चै परगट ह्‍वे।