Popular Bible Verses from मत्ती 27

Share

अर तीन बजी का करीब यीशु न ऊँची आवाज मा चिल्‍लै के बोलि, “एली, एली, लमा शबक्‍तनी?” ज्यां को मतलब इन च कि, “हे मेरा परमेस्वर, हे मेरा परमेस्वर, तुमुन मितैं किलै छोड़याली?”

अर वे ही बगत मन्दिर को परदा मथि बटि मूड़ी तक दुई हिस्सों मा फटी गै, अर एक बड़ु भ्वींचळु औण से धरती हिली गै, अर पौड़-पखाडो पर तिड़कवाल पोड़ि गै, अर इख तक की कबर खुलि गैनी, अर भौत सा परमेस्वर का पवित्र लोग जु मोरि गै छा, ऊ अपणा-अपणा सरील मा ज्यून्दा ह्‍वे गैनी।

अर यीशु एक बार फिर ऊँची आवाज मा चिल्‍लै, अर वेन अपणा पराण छोड़ि दिनी।

अर जु रोमी सुबेदार अर दुसरा सिपै यीशु की पैरेदारी कना छा, ये भ्वींचळा का औण से अर जु कुछ भि ह्‍वे वां से ऊ भौत डौऽरी गैनी। तब ऊंन बोलि, “सच्‍चि मा यू परमेस्वर को पुत्र छौ।”

अर दुफरे की बारह बजी बटि लेके तीन बजी तक पूरा देस मा अन्धेरु होयुं रै।

अर वेन ऊंकू बोलि, “त फिर मि यीशु का दगड़ा क्या कैरुं, जैकू मसीह बुले जान्दु?” तब ऊं सभ्यों न बोलि, “वेतैं क्रूस पर चड़ै द्‍या, वेतैं क्रूस पर चड़ै द्‍या।” वेन ऊंकू बोलि, “किलै, वेन क्या अपराध कैरी?” पर लोग और भि चिल्‍लै-चिल्‍लै के बोन्‍न लगि गैनी, “वेतैं क्रूस पर चड़ै द्‍या, वेतैं क्रूस पर चड़ै द्‍या।”