Popular Bible Verses from मरकुस 16

Share

अर वेन ऊंकू बोलि, “तुम पूरि दुनियां मा जैके शुभ समाचार को परचार दुनियां का सब लोगु तैं सुणा।

अर बिस्वास करण वळा लोगु मा यू चिन्‍न होला, वु मेरा नौ से खबेसों तैं निकळळा, अर नई-नई भाषा बुलला, वु गुरौऔं तैं भि उठे द्‍याला, इख तक की अगर वु बिस भि पे द्‍याला, तभि भि ऊंतैं कुछ नुकसान नि होलु, वु बिमार लोगु पर अपणु हाथ रखला अर ऊ खूब ह्‍वे जाला।”

अर जु मनखि बिस्वास करलु, अर बपतिस्मा ल्यालु, वेतैं ही बचयै जालु, पर जु मनखि बिस्वास नि करलु, वु दोषी ठैरैये जालु।

अर चेलों न उख बटि निकळि के हरेक जगा जैके परचार कैरी। अर प्रभु भि ऊंका दगड़ा-दगड़ि काम कनु रै। अर ऊंका द्‍वारा जु चिन्‍न-चमत्कार का काम होणा छा, वेका द्‍वारा वेन इन साबित कैरी, कि जै वचन को परचार ऊ कना छिन उ वचन सच्‍चु च।]

पर वेन ऊंकू बोलि, “सुणा, ताजुब नि कैरा, नासरत गौं का जै यीशु तैं क्रूस पर चड़ये गै छौ, जैतैं तुम खुज्याणा छाँ, उ मुरदो मा बटि ज्यून्दु ह्‍वे गै। अर देखा, या वा ही जगा च जख ऊंन वेतैं रखी छौ, मगर अब उ इख नि च।

मगर जब ऊंन कबर जनै देखि, त ऊंन देखि की डांग त पैलि बटि हटयुं च। अर उ डांग भौत ही बड़ु छौ। अर जब वु कबर का भितर गैनी, त ऊंन देखि कि एक ज्वान सफेद कपड़ा पैरयूं दैंणी तरफा बैठयूं च, अर वेतैं देखि के वु भौचक ह्‍वे गैनी।