Popular Bible Verses from Luka 11

Share

I ku tö, pahad mehed, mahtat antta ičetoi lapsile hüvid lahjoid, ka taivhaline Tat völ suremban tahtonke andab Pühän Hengen nenile, ked necidä hänel pakičeba.»

Muga sanun teile: Pakikat, i teile anttas. Eckat, i tö löudat. Kolkotagat, i teile avaitas.

I kaikutte pakičii sab, ecii löudab, i kolkotajale avaitas.

Iisus sanui heile: «Konz loičet, sanugat ninga: – Meiden taivhaline Tatam! Olgha pühä sinun nimi. Tulgha sinun valdkund. Tehkahas kaik sinun tahton mödhe täl-ki mal, kut taivhas.

I pästa meile meiden grähkäd, kut mö-ki pästam velgad kaikuččele meiden velgnikale. Ala ve meid manitushe, no päzuta meid pahaspäi.»

Anda meile kaikuččen päivän meiden jogapäiväine leib.

Sinun sil՚mäd oma sinun hibjan lamp. Konz sinun sil՚mäd oma tervhed, ka kaik sinun hibj-ki linneb täuz՚ lämoid. Konz sinun sil՚mäd oma hondod, ka sinun hibj-ki linneb pimed.

«Niken ei virita lampad sen täht, miše peitta se jäl՚ges vai panda astijan alle. Se pandas lampanpidimehe, miše ned, ked tuleba pert՚he, nägižiba lämoin.