Popular Bible Verses from Yohanes 10

Share

Dulun ponako dombut baya nako, ngompatoi, ngolumat. Tapi Akuh dombut ika mihi kobolum, iyohonon kobolum co aroko kotopah kongurang eh.

Akuh boh tukang nyorunuh co pio. Tukang nyorunuh co pio selang matoi ika nyolamat kawan dombaeh.

Kawan domba-Kuh ngoneh ome co tomantun-Kuh. Akuh nyono iroh, hintang iroh umba Akuh.

Akuh mihi indan doh kobolum co sumong kototahieh. Iroh aroko piji angar lumat dapot sokotahi-tahieh. Arelu oko ico dulun mahi co hegah ngoras iroh ingkan silung-Kuh.

Akuh iyohco tungkang. Sika dulun co muntam calan Akuh, are angar solamat. Are angar muntam hintang pusit, kawun sopopak pulou uru.

Tapi Akuh iyohco tukang nyorunuh co pio. Samah isan Mohotara Tama nyono Akuh hintang Akuh nyono Tamang-Kuh, sanioh ka Akuh nyono kawan domba-Kuh hintang iroh nyono Akuh. Aku selang matoi ika nyolamat iroh.

Tamang-Kuh co mihi iroh indang-Kuh. Are meleh bokuasa hangki ome bewe. Jadi, arelu oko ico dulun co hegah ngoras iroh ingkan silui-Eh. Akuh hintang Tamang-Kuh iyohco ico.”

Tapi Akuh iyohco tukang nyorunuh co pio. Samah isan Mohotara Tama nyono Akuh hintang Akuh nyono Tamang-Kuh, sanioh ka Akuh nyono kawan domba-Kuh hintang iroh nyono Akuh. Aku selang matoi ika nyolamat iroh.

Arelu oko ico dulun mahi co hegah monu tambung songang-Kuh. Tapi Akuh lera mihieh monurut kojere-Kuh tarop. Akuh oko kuasa ika hoo dulun ngompatoi Akuh. Akuh mahi oko kuasa ika bolum hopuli. Ononboh porintah co tonorima-Kuh ingkan Tamang-Kuh.”

Tului iyoh Yesus mantun kole, “Ngoneh eh boh! Tuu bujur ome co tomantun-Kuh tuh: Akuh boh tungkang kandang hia kawan domba taiyoh.

Dulun co tonombah ika bojaga domba, are bokon tukang nyorunuh. Are aroko empun kawan domba taiyoh. Amun are kito srigala dombut, are buho naat kawan domba. Ma sanioh srigala nukom hintang norawuh noracam kawan domba taiyoh.

Yesus ngoholuh kopomander, “Ngoneh eh boh! Tuu bujur ome co tomantun-Kuh tuh: Dulun co muntam hia ponah kandang domba, hintang aroko calan tungkang kandang cioh tapi nukat buah calan co bokon, dulun cioh ponako hintang porampuk.