Popular Bible Verses from Yohanes 15

Share

Akuh ibarat eh batang angur. Ikan ibarat eh kawan daaieh. Dulun sobulih tenden leket ma Akuh, paluh Akuh angar leket ma are. Ma sanioh, are angar nguan orong alogawi pio. Awi, amun ikan aroko leket ma Akuh, maka ikan aroko lian umpi ome-ome co pio.

Ikan sobulih tenden hokohico ma Akuh, paluh Akuh angar tenden hokohico ma ikan. Amun daan aroko leket ma batang eh, maka daan taiyoh aroko lian mua. Isan iyoh ka, ikan aroko lian mua amun ikan aroko tenden leket ma Akuh.

Ikan sobulih hokohico ma Akuh hintang ajaran-Kuh sobulih oko ponah atoi me. Amun sanioh, nyawot ome bewe co tonyau me, maka ikan angar norimaeh.

Aroko ikan co mili Akuh, tapi Akuhboh co mili ikan. Akuh nyoruhan ikan ina me tulak nguan orong alogawi pio, alogawi co dohon sumong kototahieh. Amun ikan nguan iyoh, maka Tamang-Kuh angar mihi indam me ome co tonyawot me ingkan Are ponah arang-Kuh.

Dulun co poko tomongasi ma kawan sohabat eh iyohco dulun co selang matoi indan doh.

Sika daaieh co oko ma-Akuh co aroko mua, tonotok tomende Tamang-Kuh daan taiyoh. Tapi, sika daaieh co mua, tongorasih Tamang-Kuh ina daaieh yoh meleh simpot mua.

Otuhboh porentah-Kuh, ikan sobulih hopomasi, samah isan Akuh tomongasi ikan.

Amun ikan nguan orong alogawi pio, maka ikan poleha ma dulun korinah koharat eh Tamang-Kuh. Ma sanioh, ikan bujur-bujur jarin kawan murid-Kuh.

Opaiyoh Yesus mantun, “Akuh ibarat eh batang angur co bujur. Tamang-Kuh iyohco potani co nyorunuh imbun angur cioh.

Kokon dulun co aroko hokohico ma Akuh, iroh isan kawan daan co tomende, paluh jarin kojang. Kawan daan isan iyoh angar tongumpur, tonapuk hia ponah apui, paluh tomapang.

Akuh mantun kokon onon ina kojorih jerah-Kuh oko ponah atoi me, paluh kojorih jerah me somporaka.

Amun ikan tuhit ma kawan porentah-Kuh, Akuh angar tenden tomongasi ikan, samah isan Akuh ocop nuhit kawan porentah Tamang-Kuh, poko tului iyoh Are tenden mongasihi Akuh.

Otuhboh porentah co ihing-Kuh ma ikan: Ikan sobulih hopomasi.”

Sompamaeh ikan incah hokohico ma kawan dulun nyan dunia, mositi iroh tomongasi ikan sobagai tiroh. Tapi, ikan aroko hokohico ma kawan dulun nyan dunia. Akuh ocop mili ikan ingkan iroh. Iyoh tuluieh iroh ngodolee ikan.