Popular Bible Verses from Yohanes 14

Share

Hiah waktu Akuh tulak, Akuh mihi kongolandah kongolami Kuh indam me. Kongolandah kongolami co ihing-Kuh ma ikan, aroh isan co ihin dunia. Jadi aroh ikan giha. Aroh takut.

Hien Yesus maeh, “Akuhboh calan co bujur ika nyono Mohotara, calan co nuju hia kobolum co tuu-tuu. Arelu oko ico beti mahi boraoi dombut hia Tama amun aroko molalui Akuh.

Paluh Yesus mantun ma kawan murid-Eh, “Arohboh atoi me giha! Porocayaleh ma Mohotara. Porocayaleh ka ma-Akuh.

Tapi daai Tamang-Kuh angar nyoruhan Roh-Eh indam me ika kanti Akuh. Roh Mohotara yoh iyohco Pondohop. Are boh co angar majar kokon aranaang ma ikan. Are mahi angar pokingat ikan ma kokon co ocop tomantun-Kuh ma ikan.

Sika dulun co norima kawan porentah-Kuh hintang nuhit eh ka, are iyohco dulun co bujur-bujur mongasihi Akuh, are angar tomasi pian Tamang-Kuh. Akuh mahi angar masi are. Akuh angar poleha arop-Kuh maeh.”

Akuh angar nyawot ma Tamang-Kuh, paluh Are angar mihi Pondohop co bokon indam me. Are angar nguan iyoh ina Pondohop cioh somim me sokotahi-tahieh. Pondohop cioh iyohco Roh Mohotara co porahan kokon co bujur. Kawan dulun nyan dunia co aroko porocaya, iroh aroko lian norima Roh Mohotara yoh, awi iroh aroko kito Are, aroko nyono Are. Tapi, ikan nyono Are awi Are somim me hintang daai Are angar nukui ponah atoi me.

paluh Akuh angar nguan ome bewe co tonyawot ponah arang-Kuh. Akuh angar nguan eh ina Anak lian poleha ma kawan dulun korinah koharat eh Tamang-Kuh yoh. Amun ikan nyawot ome bewe ingkan Akuh ponah arang-Kuh, maka Akuh angar nguan eh.”

“Amun ikan mongasihi Akuh, ikan angar nuhit kawan porentah-Kuh.

Oko orong tukui ika nyan lopo Tamang-Kuh. Akuh houn tulak hia idi ika nyodia tukui ika indam me. Amun aang cioh aroko bujur, aroko bodai Akuh monjanji aang co isan iyoh ma ikan.

Opah Akuh tulak nyodia ika indam me, Akuh angar dombut hopuli paluh mehen ikan hia ika cioh, Akuh angar nguan iyoh ina nyan omoh Akuh oko, nyan intin ka ikan oko.

Tomas mantun ma-Eh, “Tuhan, kaih aroko monau hia omoh Iko tulak. Jadi, maindeoi kaih monau calan hia idi?”