Popular Bible Verses from Lukas 8

Share

Tapi, oko kawan dulun co norima Antun Mohotara samah ma jangoi co nokah nyan tana co bolunyah. Iroh ngoneh eh, paluh mikaeh ponah songan doh co pio hintang jujur. Iroh bangkah noro amun toningkoh, iroh yoh hopompaluh nompi gawi co ngonyorih songan Mohotara. Samah ka ma imbun co bolunyah mohasir bua.”

Jangoi co nokah nyan tana co karas humput duhieh soumpama dulun co ngoneh Antun Mohotara, tapi hayak tahi opah eh, iroh giha tintun kobolum doh nyan dunia tuh, nganyap koponatou, kosanang. Kokon aang cioh ngaluk iroh dapot iroh bolum aroko sosuai ma kojere Mohotara. Samah ma co tomanyek humput duhi, tuluieh bua imbun cioh aroko kojuan osak.

Jangoi co nokah nyan tana co hobatu cioh nin soumpama dulun co ngoneh Antun Mohotara, jorih norimaeh. Tapi iroh baya sonyulu leh porocaya. Samah ma imbun nyan tana co hobatu, baya during sonyulu tului tanaeh mipih. Amun kawan dulun co isan iyoh buah tingkoh, iroh aroko porocaya kole ma Antun Mohotara.

Yesus nagur iroh. Hie-Eh, “Ikan sobulih meleh porocaya kole ma-Akuh!” Iroh takut hintang potohurong-hurong. Paluh mantun samah arop doh, “Dulun cotuh luar biasa. Hayak Are ngorangat morentah, bahi hintang danum mahi tuhit ngoneh nai-Eh.”

Jangoi co nokah nyan saran calan cioh nin soumpama kawan dulun co norima Antun Mohotara baya sokedar ngoneh eh bewe. Tapi opah iyoh dombut Lacan Setan, ngaluk ina doh solingo Antun Mohotara, dapot iroh aroko porocaya. Maka iroh yoh aroko tonyolamat.

Somporengu kopandau cioh, kokon aang co tonyuhuk angar leha; kokon aang co tomulim angar tomonau hintang tongompandau pian Mohotara.

Bawe cioh sadar awi aang co piai yoh koraon. Maka, are paluh dombut, nukup bolutut nyan muka Yesus, kalut kohororiki ma akut eh. Nyan tohimo kokon dulun orong yoh, are mantun aang co piai yoh, ome alasan are ngoncimai Yesus dapot maindeoi toroeh yoh paluh pio. Hien Yesus ma are, “Anak-Kuh, iko ocop tonyolamat tului iko porocaya ma-Akuh. Buli bat mehen kongolandah.”

Kawan murid Yesus yoh monyun Are. Hien doh, “Guru, Guru! Mositi ito colaka!” Yesus monyun, paluh ngorangat lowut hintang umbak co bahai yoh ika ranai. Maka, paluh lowut hintang umbak co bahai yoh paluh ranai kotika cioh ka.