Popular Bible Verses from Matius 21

Share

Kokon aranaang co tonyawot me ponah doa, asar ikan porocaya, ikan angar norimaeh.”

Hien Yesus ma iroh, “Ngonehboh! Amun ikan porocaya hintang aroko ragu-ragu, maka ikan mahi boraoi umpi aang co mosotahir isan co tongompiang-Kuh ma puun ara conon, hintang aroko baya tikas onon leh. Sompamaeh ikan nyuhu puruk cotuh, ‘Topangkat paluh topende hia ponah laut!’ Maka aang cioh angar tojadi.

Orong dulun nyalan nyan muka hintang nyan uwoi likut Yesus. Iroh ngororoho ma kojorih, “Hosana! Narabat Laca ingkan koturunan Daud! Narabat Are co dombut ponah aran Tuhan Mohotara! Koponara indai-Eh nyan ika co poko hunyung!”

Hie-Eh ma iroh, nyan ponah Surat Borasih “Antun Mohotara tuh ocop tonulih: ‘Lopo-Kuh iyohco lopo ika bodoa.’ Tapi ikan umpieh isan guha porampuk!”

“Mantun ebat ma kawan ponduduk nyan kota Yerusalem, ‘Porhatibatboh, Lacamu dahat dombut indamme! Are aroko pongasar. Are nungang ico kontuluh koledai, Ico kontuluh anak koledai co daja.’ ”

Hien Yesus ma iroh, “Mositi ikan piji mombaca nyan Surat borasih tintun otuh: ‘Batu co tonongkuloi kawan tukang bangunan ocop jarin batu poko penting ika bangunan eh. Tuhan co nguan iyoh! Ico alogawi co bungah lau indan to.’ ”

Paluh Yesus mantun, “Jadi, ngonehbatlah otuh: hak me ika jarin anggota Korojaan Mohotara angar tomonu ingkan ikan. Hak cioh angar tomihi hia bangsa co angar nguan kojere Mohotara. [