Popular Bible Verses from ଯୋହନ୍ 19

Share

ଯୀଶୁ ସେରି ଶକ୍‍ଲା ଆର୍ କଇଲା, “ସ୍‌ର୍‌ଲିବେ।” ଅନ୍‌କ୍‌ରି କ୍‌ଇକ୍‍ରି ସେ ତାର୍ ମୁଣ୍ତ୍ ତ୍‍ଳେକ୍‍ରି ମ୍‌ଲା।

ଯୀଶୁ ଜାଣୁହାର୍‌ଲା ଯେ ସ୍‍ବୁ ବିଷୟ୍ ହୁରା ଅଇଲି, ସେତାର୍‍ଗିନେ ଦ୍‌ର୍‌ମ୍ ଶାସ୍‌ତରାର୍ ବାକ୍ୟ ହୁରାକ୍‌ରୁକେ ସେ କଇଲା, “ମକେ ଶସ୍ ଲାଗୁଲି।”

ଯୀଶୁ ତାର୍ ଆଇସିର୍ ଲ୍‌ଗେ ସେ ଲାଡ୍ କ୍‌ର୍‌ତିରିଲା ଚେଲାକେ ଟିଆ ଅଇରିଲାର୍ ଦ୍‍କ୍‍ଲା, ଆର୍ ସେ ତାର୍ ଆଇସିକେ କଇଲା, “ଦ୍‍କ୍ ଇରି ତର୍ ହଇଦି!” ତାର୍ ହ୍‌ଚେ ଯୀଶୁ ସେ ଲାଡ୍ କ୍‌ର୍‌ତିରିଲା ଚେଲାକେ କଇଲା, “ଇରି ତର୍ ଆଇଦି!” ସେଦିନ୍ ହ୍‍ଣି ସେ ଚେଲା ଯୀଶୁର୍ ଆଇସିକେ ତାର୍ ନିଜାର୍ ଗ୍‍ରେ ନିଲା।

ମ୍‍ତର୍ ଯୀଶୁର୍ ଲ୍‌ଗେ ଗ୍‍ଲାଇ, ଆର୍ ଦ୍‍କ୍‍ଲାଇ ଯେ ସେ ମ୍‌ରି ଆଚେ, ସେତାର୍‍ଗିନେ ସେମ୍‍ନ୍ ଯୀଶୁର୍ ଗଡ୍ ବାଙ୍ଗି ନ୍‌ଚ୍‌ଲାଇ, ଗଟେକ୍ ସ୍ଇନ୍ ବାଲାସ୍‍ଙ୍ଗ୍ ଯୀଶୁର୍ କୁଚାଇ ବୁସ୍‍ଲା, ତ୍‍ବେ ସେତି ହାଣି ଆର୍ ବ୍‌ନି ବାର୍‍ଲି।

ଇ ଗଟ୍‍ଣା ଗଟ୍‍ଲାର୍ ଗିନେ ଦ୍‌ର୍‌ମ୍ ଶାସ୍‌ତରାର୍ ଇ ବାକ୍ୟ ହୁରା ଅଇଲି, “ତାର୍ ଗଟେକ୍ ହେଁ ଆଡ୍ ବାଙ୍ଗି ନ୍‌କେରେ।” ଆର୍ ଗଟେତର୍ ଦ୍‌ର୍‌ମ୍ ଶାସ୍‌ତର୍ ଲ୍‌ଗେ ଇରିହେଁ ଲେକାଆଚେ, “ଯାକେ ସେମ୍‍ନ୍ ବୁସ୍‍ଲାଇ ଆତ୍‍ତି ତାକେ ସେମ୍‍ନ୍ ଦ୍‍କ୍‌ତି।”

ଯୀଶୁ କୁର୍‍ଶକାଟ୍ ବଇକ୍‌ରି କାହାଳ୍ ନାଉର୍ ଜାଗାକେ ଆଇଲା, “ସେ ଡଙ୍ଗୁର୍ କିହ୍‍ରି ହର୍ ରିଲି,” ଜାକେ ଏବ୍ରୀ ବାଷାଇ “ଗଲ୍‌ଗଥା ବ୍‍ଲି କ୍ଉତି।”

ଆରେକ୍‌ ଶଇନ୍‍ମ୍‍ନ୍ କାଟାର୍ ମୁକୁଟ୍ ବ୍‌ନାଇ କ୍‍ରି ତାର୍ ମୁଣ୍ଡେ ହିନ୍ଦାଇଲାଇ, ବେଜା ର୍‌ଙ୍ଗାର୍ ହ୍‍ଚିଆ ହିନ୍ଦାଇଲାଇ।