Popular Bible Verses from लूका 17

Share

फिर ईसु नै उस्सै कैई, “खड़ो हो और चलो जा, तैनै मेरे ऊपर बिसवास करो है, इसताँई तू ठीक हो गओ है।”

अगर बौ दिनभर मै तेरे खिलाप सात फेरी पाप करै और सातौं फेरी तेरे धौंरे आकै कैए, मुस्सै गलती हो गई मैंकै माफ कर दे, तौ बाकै माफ कर।”

पर उनमै सै एक नै जब जौ देखो कै बौ ठीक और सुद्‍द हो गओ है, तौ बौ बापस लौहटो और ऊँची अबाज सै परमेसर की बड़ाई करल लगो। और ईसु के पाँएऔं मै मौह के बल गिरकै, ईसु को धन्‍नबाद करल लगो; बौ तौ सामरी मुलक को आदमी हो।

इसताँई चौकस रैहऔ, अगर तेरो भईया, कोई पाप करै है तौ उसकै समजा, अगर बौ अपने पाप सै पछताऐ तौ बाकै माफ कर दे।

ईसु नै उस्सै पूँछी, “का सबई दसके दस कोढ़ी मैंनै ठीक ना करे? फिर बे नौ कहाँ हैं?

परभु ईसु नै कैई, “अगर तुमकै राई के दाने के बराबर बी बिसवास होतो, तौ तुम इस सैंतूत के पेड़ सै कैते कै जड़ सै उखड़ कै समन्‍दर मै लग जा, तौ बौ तुमरी मान लेतो।

“जो कोई अपनी जिन्‍दगी बचानै की कोसिस करैगो, बौ जिन्‍दगी खो देगो, और जो कोई मेरे ताँई अपनी जिन्‍दगी दैनै कै तईयार होगो उसकै हमेसा की जिन्‍दगी मिलैगी।

एक दिन फिर ईसु नै अपने चेलौ सै कैई, “लोगौं कै इस दुनिया मै पाप मै गिरनै की परिक्‍छा होती रैहंगी, पर परमेसर उसकै बड़ी सजा देगो, जिसनै लोग उस पाप मै फसाए। पर जो मेरे ऊपर बिसवास करैं हैं, इन छोटौ मै सै एक कै बी पाप मै गिरावै है, उसके ताँई जौ भलो होतो, कै चक्‍की को पटा उसके गरदन मै लटकाओ जातो, और बौ समन्‍दर मै डार दओ जातो।

“जैसे नूह के दिनौ मै भओ हो, बैसेई आदमी के लौंड़ा के दिनौ मै बी होगो। जिस दिन तक नूह और उसके परिबार के लोग जिहाज मै ना चढ़े, उस दिन तक लोग दुसट, और पापी हे उनमै बिहा-सादी होती रैहंई; तब जलपरलै भई और परमेसर नै बे सब नास कर दए।