Popular Bible Verses from मत्‍ती 21

Share

और जो कुछ तुम पिराथना मै बिसवास सै माँगौगे बौ सबई कुछ तुमकै मिलैगो।”

ईसु नै उनकै जबाब दओ, “मैं तुमसै सच कैरओ हौं, अगर तुम बिसवास रक्‍खौ, और सक ना करौ, तौ तुम ना सिरप जौ करौगे, जो मैं अंजीर के पेड़ के संग कर चुको हौं, पर अगर इस पहाड़ सै बी कैऔगे, कै उखड़ जा, और समन्‍दर मै जा पड़, तौ बौ हो जागो।

ईसु के अग्गे-अग्गे जानै बारे और पीछे-पीछे आनै बारे लोग जौ नारो लगा रए हे, “दाऊद की औलाद की जै जैकार धन्‍न है जो परभु के नाम मै आवै है, सुरग मै जै जैकार हो।”

और उनसै कैई, “पबित्‍तर सास्तर मै लिखो है, कै मेरो घर पिराथना को घर कैलागो, पर तुम इसकै डाँकुऔं को अड्‍डा बना रए हौ।”

“सिओन की लौंड़िया सै कैऔ, देख, तेरो राजा तेरे धौंरे आवै है, बौ नमर है, बौ गधा मै बैठो है, पर गधईया के बच्‍चा के ऊपर।”

ईसु नै उनसै कैई, “का तुमनै पबित्‍तर सास्तर को जौ बचन ना पढ़ो? राजमिस्तरिऔ नै जो पत्‍थर बेकार समजकै लिकार दओ हो बौई कौने को पत्‍थर बन गओ। जौ परभु को काम है, जो हमरी नजरौ मै अचम्बे को है।

“इसताँई मैं तुमसै कैरओ हौं परमेसर को राज तुमसै छीन लओ जागो और बौ उन लोगौ कै दे दओ जागो जो बाके अनुसार फल लांगे।