Popular Bible Verses from Joha 14

Share

Ukuthula ngikutshiya kini, ukuthula kwami ngilinika khona. Kakunjengokunika komhlaba ukulinika kwami. Inhliziyo zenu kazingakhathazeki, zingesabi.

UJesu wathi kuye: Yimi indlela, leqiniso lokuphila; kakho oza kuBaba engezi ngami.

Inhliziyo zenu kazingakhathazeki. Kholwani kuNkulunkulu, likholwe lakimi.

Kodwa uMsizi, uMoya oNgcwele, azakumthumela uBaba ebizweni lami, yena uzakulifundisa zonke izinto, alikhumbuze konke engakutshoyo kini.

Olemilayo yami ayigcine, nguye ongithandayo; yena ongithandayo uzakuthandwa nguBaba, lami ngizakumthanda, ngizibonakalise kuye.

Ngizakucela uBaba aliphe omunye uMsizi ukuba ahlale lani kokuphela, uMoya weqiniso, ongemamukele umhlaba, ngoba ungamboni, ungamazi; kodwa lina liyamazi, ngoba uhlala lami, uzakuba kini.

Loba yini elikucelayo ngebizo lami ngizakukwenza ukuze uBaba adunyiswe eNdodaneni. Uba licela ulutho ebizweni lami, ngizakulwenza.

Uba lingithanda, lizakugcina imilayo yami.

Ekhaya likaBaba kukhona izindlu ezinengi; uba kwakungenjalo, ngabe ngalitshela ukuthi ngiya ukulilungisela indawo na?

Nxa ngihamba ukuyalilungisela indawo, ngizakubuya futhi, ngilamukele ukuze kuthi lapho ngikhona libe khona lani.

UTomasi wathi kuye: Nkosi, kasikwazi lapho uya khona; siyazi kanjani indlela na?