Popular Bible Verses from Joha 15

Share

Mina ngilivini, lina lizingatsha; lowo ohlala kimi, lami ngihlale kuye, yena uyathela izithelo ezinengi; ngoba ngaphandle kwami lingenze lutho.

Hlalani kimi, lami ngihlale kini. Njengalokhu ugatsha lungethele izithelo ngokwalo, uba lungahlali evinini, kunjalo lani, uba lingahlali kimi.

Uba lihlala kimi, lamazwi ami ehlala kini, celani elikuthandayo, lizakukwenzelwa.

Kalingikhethanga lina, kodwa yimi engilikhethileyo, ngilimisele ukuba lihambe, lithele izithelo, lezithelo zenu zihlale njalo, ukuba loba yini eliyicela kuBaba ngebizo lami alinike yona.

Kakho olothando olukhulu kulalolu lokuthi umuntu adele ukusila kwakhe ngenxa yabangane bakhe.

Lolo lalologatsha olukimi, olungatheliyo izithelo, uyalususa. Lolo lalologatsha oluthela izithelo uyaluthena ukuze luthele kakhulu.

Lo ngumlayo wami ukuba lithandane, njengalokhu ngilithandile mina.

UBaba uyadunyiswa ngalokhu ukuba lithele izithelo ezinengi, ukuze libe ngabafundi bami.

Mina ngilivini eliqotho, uBaba ungumlimi.

Uba umuntu engahlali kimi, ulahlwa njengogatsha olubunileyo; bazibuthe, baziphose emlilweni, zitshe.

Lezizinto ngizikhulume kini, ukuze ukuthokoza kwami kube kini lokuze ukuthokoza kwenu kugcwale.

Uba ligcina imilayo yami, lizakuhlala othandweni lwami, njengalokhu lami ngigcine imilayo kaBaba ngihlala othandweni lwakhe.

Ngililaya ngalokhu ukuze lithandane.

Uba belingabomhlaba, umhlaba ubuzakuthanda abawo, kodwa ngoba lingesibo abomhlaba kodwa ngalikhetha mina emhlabeni, ngakho umhlaba uyalizonda.