Popular Bible Verses from Mark 14

Share

Wathi: “Aba,” Baba, zonke izinto ziyenzeka kuwe; susa linkezo kimi; kodwa kungabi njengokuba ngithanda mina, kodwa njengokuba uthanda wena.

Lindani, likhuleke ukuze lingangeni ekulingweni; umoya uyavuma, kodwa inyama ibuthakathaka.

Ngiqinisile ngithi kini: Loba kungaphi emhlabeni wonke lapho kutshunyayelwa khona ivangeli, lokhu akwenzileyo kuzakukhulunywa ngakho, kube yisikhumbuzo ngaye.

Wathi kubo: Umoya wami udabukile kakhulu kungathi ngingaze ngife; hlalani lapha, lilinde.

Kwathi besadla, uJesu wathatha isinkwa, wabonga, wasihlephula wabanika, wathi: Thathani, lokhu kungumzimba wami.

Wathatha inkezo, wabonga, wabanika; banatha kuyo bonke. Wathi kubo: Lokhu kuligazi lami lesivumelwano elichithelwa abanengi.

UJesu wathi kubo: Lizakukhubeka lonke, ngoba kulotshiwe ukuthi: Ngizakutshaya umalusi, izimvu zichitheke.

Sukumani sihambe. Khangelani, onginikelayo useseduze.

Kodwa uJesu wathi kuye: Ngiqinisile ngithi kuwe: Lamhlanje ngalobubusuku, lingakakhali kabili iqhude, wena uzakungilandula kathathu.