Popular Bible Verses from John 14

Share

Ic læfe eow sibbe. ic sylle eow mine sibbe. Ne sylle ic eow sibbe swa middanearð sylð. Ne seo eower heorte gedrefed. ne ne fortige ge.

Se halend cwæð to him. Ic eom weig ⁊soðfaestnysse ⁊lyf. Ne cymð nan to þam fæder buton þurh me.

⁊he cwæð to hys leorningcnihtan. Ne syo eower heorte gedrefeð. ge gelefað on god ⁊gelefeð on me.

Se halge frofre gast þe se fæder sent on minan naman eow lærð ealle þing ⁊he lærð eow ealle þa þing. þe ic eow segge.

Se þe hafð mine bebode ⁊hylst þa. he ys þe me lufað. Min fæder lufed þane þe me lufað ⁊ic lufige hyne ⁊geswutelige him me selfe.

⁊ic bidde fæder ⁊he sylð eow oðerne frefiend þæt beo æfre mid eow. Soðfæstnysse gast þe þes middeneard ne maig underfon. He ne can hine forþan þe he ne gesihð hine. Ge hine cunnen forþan þe he wuneð mid eow ⁊beoð on eow.

⁊ic do swa hwæt swa ge byddað on minen namen. þæt se fader syo gewuldrod on þam sunu. Gif ge hwæt me biddað on minan naman þt ic do.

Gyf ge me lufiað; healdod min bebode

On mines fader huse synde manega eardingstowe. Ne sægde ic eow. hit ys litles wane þæt ic fare ⁊wille eow eardungstowe gerewian.

⁊gyf ic fare ⁊eow eardungstowe gegearwige; eft ic cume ⁊neme eow to me selfen. þæt ge seon hwær ic eom.

Tomas cwæð to him. Hlaford we nyten hwider þu færst ⁊hu muge we þanne wei cunnan