Popular Bible Verses from John 15

Share

Ic eom wingeard ⁊ge synd twigan. Se þe wunað on me ⁊ic on him; se berð mycele blæde. forþan ge ne magon nan þing don buton me.

wuniað on me ⁊ic on eow. Swa swa twig ne mæg blede beran hyt self buton hyt wunige on wingearde. swa ge ne magen eac buton ge wunigan on me.

Gyf ge wuniað on me ⁊mine word wuniað on eow. biddað swa hwæt swa ge willed ⁊hyt beod eower.

Ne gechure ge me ac ic gecheas eow ⁊ic gesette eow þæt ge blæden bæren ⁊eowra blæda gelæsten. þæt se fæder sylle eow swa hwæt swa ge biddað on minan naman.

Nafeð nan man mare lufe þanne þeos is þæt hwa sylle hys lyf for hys freondan.

he deð ælc twig aweig on me. þe blæde ne byrð ⁊he fermað ælc þare þe blæde berð. þæt hyt bere blæde. þe swiðor.

Ðys is min bebod þæt ge lufigan eow gemenlice. swa ic eow lufede.

On þam ys min fæder geswutelod. þæt ge beran mychele blæde ⁊beon mine leorningcnihtas.

Ic eom soð wingearð ⁊min fæder ys eordtilia.

Gyf hwa ne wunað on me. he byeð geworpen ut swa twig ⁊fordruwað ⁊he gegaderiað þa ⁊doð on fer ⁊hyo forbernað.

Þas þing ic eow sægde. þæt min gefea is on eow ⁊eower gefea syo gefyllæd.

Gyf ge mine bebode gehealdeð. ge wuniað on minre lufe. Swa ic geheold mines fæder beboda ⁊ic wuniga on his lufa.

Ðas þing ic eow beode; þæt ge lufion eow gemænlice.

Gyf ge on middeneardan wæren. middaneard lufede þæt hys wæs. Forþan þe ge ne synd of middanearde. ac ic eow gecheas of middanearde. forþi middaneard eow hateð.