Popular Bible Verses from يُوحَنَّا 12

Share

إن كان واحِد يَخدِمني، لازِم يَتبَعني. و المَحَل الأنا أكون فيهو، هِناك يَكون خَدّامي كَمان. و إذا كان واحِد يَخدِمني، الأبو بِحتَرِمو.

البِحِب نَفسو، بِوَدِّرا. و البِكرَه نَفسو في الدُّنيا دي، بِحفَظا لِلحَياة الأبَديَّه.

الحَق الحَق أقول ليكُم، إلّا تيراب الدُّرَه يَقَع في الأرض و يَموت، يَبقى بَراهو. لَكِن إذا مات، يَجيب ثِمار كَتير.

أنا جيت عَشان أكون نور لِلدُّنيا، عَشان كُل البِآمِن بي ما بِستَنّى في الضُّلُمَّه.

إذا واحِد يَسمَع كَلامي و ما يَعمِل بيهو، أنا ما بَحكُم. عَشان أنا ما جيت أحكُم عَلى الدُّنيا، لَكِن عَشان أخَلِّص الدُّنيا.

و مَرْيَم شالَت قِزازَة دِهان صافي و غالي، و دَهَنَت رِجلين يَسُوع، و مَسَحَت رِجلينو بِشَعَرا، و البيت إتمَلا بِريحَة الدِّهان.

و هُم اَخَدو فُروع النَّخَل، و مَرَقو عَشان يَقابِلوهو. و كانو بِكورِكو: ”أُوصَنّا! مُبارَك الجّاي بِإسم الرَّب، مَلِك إِسْرَائِيل.“

لَكِن يَسُوع قال ليهُم: ”السّاعَه جات عَشان إبن الإنسان يِتمَجَّد.