Popular Bible Verses from YASFADOCI LOKU 4

Share

Nili Ucvjrlvhku-mvli inv Dabalamiwatv vbeli usgici nelv, Xvga inv ni lumgo-naqv wvhsi nvnvhimvgi uwasi-biadrcimo-wanv inv gitamrfv : Ni mahci wrwenaqv wvhsi Ifwrtutvmv-wvki palhofowa nihki geganigr-fvki, Macimi pami patagi-nvmowa inv ga-gabeqatv, Wvhsi tabalatv-mafewvh-gaphvki nihki ga-gisho-fucki, Wvhsi lfwrtutvmv ini manwi-utvhpano-dagi u gikvdomi inv Dabalamiwatv.

Chena Jesise rpvfsa macimi, Mahtvwi-gapi ini, Ga husvsilvwahv gelv inv Dabalamiwatv gi Mvnado-mv, macimi inv pahi gah ma-magini-lutvwv, u talrli.

Macimi ud rpvftv-wrli Jesise, Mahtvwi-gapi ini, Mvtv ilani tvkuwhv nrnsihkv wa huci lanvwa-wi, u talrli.

Chena Jesise, uqihsi-noli nili Ufapi Ucvjrlvhqvli, ini Jrtane uci kutaqi, macimi ini belasgi si walaqi ini Ucvjrlvh-ku-fewa-nagi

Chena Jesise pami rpvfsa, Tagi gelv ga hustu u tapu-wrfowa inv Dabalamiwatv gi Mvnadomv, iupi ini, u talrli.

Chena inv mvci-mvnatu iah mahci lutvgi jrgi kuci myrsi-vshadewa, srwa nili uci mrlrqvsi.

Chena inv u kuqici-walrli nili, macimi u wrpvta-lrli jrivhki nili ugimrwi-drmqa-wvli ini ya-lakuqvh-kvmigigi ini nakuti maniti lrqvsi. Macimi, Nelv gah melala jrivhki yomv simakufewa, macimi ini nili si wvhfrci-makufewa : xvga ini naiah-kv ni mahci pvgfanvmr-gopi; macimi goqa-nafv-grci yasi tahaiv nelv ni melv ini. Qahqi gelv waciganvhi ga husvsilvwa ya-lvhfv-meiv nelv, ga huwelrmi ini jrivhgi, u talrli inv mvci-mvnatu. Chena Jesise rpvfsa macimi, Mahtvwi-gapi ini, Ga husvsilvwahv gelv inv Dabalamiwatv gi Mvnado-mv, macimi inv pahi gah ma-magini-lutvwv, u talrli.

Chena inv Culosalame u tasi walrli, macimi ini vkuei-kvmi mvmrtumawi-kvmiqi u lamvtvp-hrli, macimi, Qahqi gelr-wivna nili u Qihfvli Mvnatu, yoci svhgigi ipv-gitvnu geiv : xvga ini mahtvwi-gapi, Wah melvhi inv ut ancvle-mhi tapimofowa gelv isi, wvhsi gcitvwv-hahgi gelv : chena, U laciwrgi nihki gah nema-goki, Belabaga ga pgitahfatu gi fici sekunagi, u talrli. Chena Jesise pami rpvfsa, Tagi gelv ga hustu u tapu-wrfowa inv Dabalamiwatv gi Mvnadomv, iupi ini, u talrli.