Popular Bible Verses from YA-SFADOCI MRKV 1

Share

Chena ini qalvhwhr-pvgi, msi goqa-lrqv wihsi bur wrpvgi, unskv macimi luhfa, chena tvh pvpsqvhgiki hawv, macimi ’n’tvsi mvmrtuma.

chena, Ini lrqr-mafewa uwa uqihfa-dota, chena ini u gimrwewa Mvnatu uwa nvhekv : mvtveni si tahaku gelvwv, chena dapwahtv-muku ini uwasi-biadrcimowa, isiwa.

Macimi walanv pami muskufa, ini napigi uci, u namanv nili manqvtu pvhfahkv, chena inv Ucvjrlvhqv brsi myrsi-pvwefv pami si lrsiwahsi-noli usgici weiv : chena kvlvwa-wihsimowa nili manqvtu umoiv, Gelv inv ivhqa-lamvkv ni Qihfv, geyrgi ni manwi-taha.

Nelv napigi gi tah fvfvhqi-ulalha-lapwv; wakv inv nili Ufapi Ucvjrlvhqvli gah si fvfvhqi-ulalha-kuwv, isiwa.

Macimi Jesise, Birku gelvwv vkuwiku, chena nr-nvmafgr-lrcki ilanihi ga shalapwv, u talvhi nihi. Chena walanv nihki u nvkvdr-nrwv nili hrqvsqhrkvnv, macimi u nakvlr-wrli.

Macimi nihki u cihfa-latvmrwr-wrli u kvgahgi-miwawa : xvga u tasi kvgahgi-mvhi brsi u bonv wiahsi-makufewa, mvtv brsi nihki yr-ivwigacki.