Popular Bible Verses from YA-SFADOCI MRKV 2

Share

Chena ini iah notvgi Jesise, Nihki wa-wesikvtu-wicki mvtv skvtv u ta la-la-mr-wrli nr-nvtvuci-galici, nihki ya-qilu-gacki wakv : mvtv ni bir wvhsi utvhpi-mvki nihki ma-yrwela-ficki, ma-jela-ficki wakv, u talvhi nihi.

Chena Jesise u na-mv-wvhi u dapwahsawa-nwv nihki, Uqihfimv, gi mvjelafewanv pvgfa-ladota, u talrli nili ya-qilugalici ini nanagi-fewa.

Chena, Ini vlwrkvhsi-grsagigi usdrqi ilani, mvtv ilaneli usdrqi inv vlwykvhsi-grsagigi

Chena ia hrlwi nihki mrlrqvhi bir-wrci nili xvga nihki ya-fusgrcki uci, u pvhginr-nrwv ini vpvhqahfacikv tv hvpici inv : chena iah mahci pukhvmu-wrci ini utah lrsiwanr-nrwv ini tfvni tv hvpici inv ya-qilugatv ini nanagi-fewa.

Pvyaqv wvhsi gelvwv manvwvhi wrkutv-maqa yasi inv u Qihfvli ilani bonvgi si-makufewa usgi-drmqa wvhsi pvgfa-latvgi mvjelafewanv (u tah kvlo-lrli nili ya-qilugalici ini nanagifewa), Gi tala nelv, Unsgrlu, mvmalu gi tfvni, macimi nhrla ya-drivni wegiwv u talrli.

Drniwa v-liwi wacihi, Hv gi mvjelafewanv pvgfa-ladota; walr tuga, Unsgrlu, chena mvmalu gi tfvni, macimi pamfalu, wvhsi ilo-fuci inv ya-qi-lugatv ini nanagi-fewa?

Macimi inv unskv, chena walanv u mvma ini tfvni, chena via wapfa ya-lvhfvme-wrci nihki jrivhki; waciganvhi jrivhki qvqahdrni-tahaki, macimi u wvhfr-ci-makuwhr-wrli Mvnadoli, Mvtv-lrqv ki namapa ini yagi yomv, iwvki.