Popular Bible Verses from YA-SFADOCI MRKV 11

Share

Waciganvhi gi tala-pwv nelv, Jrivhki wiahi goqa-nahi-grci ma-mvmrtumr-yaqa macimi na-tutvmrga-yaqa, dapwahsaku wvhsi utfaku-yaqa, macimi gah bonr-nrwv nili.

Tapilo gi tala-pwv nelv, Goqa-nafv-grci Mvmo-fulu macimi ini msi-napigi ipvgilo-fulu, wa hitv vlv-yomv maqvhgigi; macimi mvtv wa pipahci taha u tahigi, wakv wah dapwahtv ini ya-iuci wvhsi biamikvgi; inv wah bonv ini.

Chena goqa-lrqv-grci ki nepvwi-pwv ki pami mvmrtumr-pwv, pvgfa-latvmvwi-waku, qahqi bonvmv-waqa pipahci wiahi wiyafv; wvhsi k’Uhfwv wafapvh-kvmigigi ya-pitv nahfrpi manvwvhi pvgfa-latvmol-wrqa gelvwv kit vlfwrci-lvwewa-nwv.

Macimi rpvfsa Jesise, Bonv-muku dapwahsawa weyrgi Mvnatu u talvhi.

Chena kvgahgimiwa, Hv mvtv ini yalvwigagi, Ni wegiwr-pimi u mvmrtumawikv inv jrivhki tfwa-lanv si lanvwa wah sidota? wakv gelvwv naiahkv jekuniwah-feki u wrsrlvku-mwv ki tas-donrwv, u talvhi.

Chena nihki nr-grnecki, macimi nihki na-nakvsi-wacki, Hosanv cahi; gisrda-lamakufi inv ba-birtv u wefowa-nagi Dabalamiwatv

Gisrtatiwi cahi ini ugimrwi-drmqa ba-biayrgi, ini u gimrwi-drm-kumi k’uhfanv Dapide : Hosanv cahi ini wihkuci Ispi, Ivhotv-moki.