YA-SFADOCI MRKV 11
11
1Chena mrlrqvhi ia hvlamfa-wrci, Pafajegi chena Pafanagi, ini Vlifiwi mahqvhgigi tvsi, u wrwe-nvhi neswi u kvgahgimrfhi, 2macimi Ini hrkuna udawa-nafagi ya-lvhfvme-yaqa ya-dagi : macimi walanv yasi utitv-maqa ini, ga mkv-wrwv mvhgotalafv gijepifu, buryr Irqv gawvgi nviakuci ilani; palhuhku inv, macimi bialahku. 3Chena wiyafv, Gociwa yomv ki tasi Ivwe-pwv? ilal-wrqa, Inv Dabalamiwatv utvgrwr-lrli, iuku, walanv inv patagi utvhfv wah laskv-wrli, u talvhi. 4Macimi nihki wapfaki chena u mkvwr-wrli mvhgo-talafvli frgici sqrdagi gijepifoli ini tvwrci udawani-myawa-nagi; chena u palwhr-wrli nili. 5Macimi nr-nakuti nihi ’n’tvsi na-ne-pvwilici, Nahiwa ki tasi Ivwe-pwv, ki pami palwhrwv inv mvgota-lafv? u taku-wvhi. 6Chena u wetvmvwr-wvhi nihi datapilvhi mviahci iulici Jesiseli : macimi nihi welrni u ta lalamaku-wvhi. 7Chena Jesiseli u biatvwr-wrli nili, macimi usgici nili ut ipvgidr-nrwv u betanikvnwv; macimi inv u nvia-goli nili. 8Chena maci u sakvtanr-nrwv u betanikv-nwv usgici ala ini myawa-nigi; macimi nrlatv msisga, ma-mahci giskutvmu-wrci nili gtigrnv uci. 9Chena nihki nr-grnecki, macimi nihki na-nakvsi-wacki, Hosanv cahi; gisrda-lamakufi inv ba-birtv u wefowa-nagi Dabalamiwatv : 10Gisrtatiwi cahi ini ugimrwi-drmqa ba-biayrgi, ini u gimrwi-drm-kumi k’uhfanv Dapide : Hosanv cahi ini wihkuci Ispi, Ivhotv-moki.
11Chena hutitv Culosalame, betiga ini mvmrtumawi-kvmiqi hawv; chena iah mahci wrpvtvgi gryrukv jrivhki wiahi, uwa ini ulrqefi, luhfa Pafanagi hawv gilagi nihi matvhfwi-gita-neswi.
12Chena ini wvyrpvgi, Pafana ia huci luhfr-wrci, cah sqr-lvwa. 13Chena paluwihi u tah nama gicimesi msisgi-weiv, ’n’hawv, qahqi manvwvhga wi mkvgi wiahi ’n’tvsi : macimi ini iah bialutvgi, mvtv-wiahi umkv msisga pahi; xvga mvtv ini lrqv yr-tvh ’daki gicimi. 14Macimi ud rpvftv, Mvtv ilani u tvh meci mvwifowa gelv uci yoci inugi goqa-lrqvsi, u tatv ini. Macimi u kvgahgimrfhi u nodr-kuhi ini.
15Chena Culosalame si biaki : macimi ini mvmrtumawi-kvmiqi si becfa, macimi ut vlami luhfa-pvgi-lvhi nihi wr-wedgelici chena nihi dr-tapani-galici betiga ini mvmrtumawi-kvmiqi, chena u kulapi-pvgitvmv-wvhi nili u dapvle-milici nihi muni-rsonigah-fihi, macimi nili ut ’pvbewa-nilici nihi mr-myagi-nalici myrsi-pvwefhi; 16chena mvtv welrni si taha wvhsi wiyafv ilani rmwa-doci wiahsi-bonvhfucikv srpwi ini mvmrtumawi-kvmiqi. 17Chena kvgahgimiwa, Hv mvtv ini yalvwigagi, Ni wegiwr-pimi u mvmrtumawikv inv jrivhki tfwa-lanv si lanvwa wah sidota? wakv gelvwv naiahkv jekuniwah-feki u wrsrlvku-mwv ki tas-donrwv, u talvhi. 18Macimi nihki ugi-mrwi mkvtaukulvyaki chena nihki yr-ivwigacki nodr-gaki ini, macimi nvtunahi-gaki wvhsi manvw-vhga mvci-lutvwr-wrci nili : xvga u kufr-wrli, xvga jrivhki nihki mahsa-lagiki u cihfa-latvmvwr-wrli nili u kvgahgimiwawa-niiici.
19Chena tfana walrqefigi ini udawa wv uci luhfa.
20Chena yasi pamfa-wrci ini qalvh-whrpvgi, nihki u nama-nrwv ini gicimesi jrgi-svhta nili ujapkvhkvtu uci. 21Chena Be-tv u pami mkvwa-latv, Labrye, wrpvtvnu, ini gicimesi ma-mvci-kvlotvmvni svhta, u talrli. 22Macimi rpvfsa Jesise, Bonv-muku dapwahsawa weyrgi Mvnatu u talvhi. 23Tapilo gi tala-pwv nelv, Goqa-nafv-grci Mvmo-fulu macimi ini msi-napigi ipvgilo-fulu, wa hitv vlv-yomv maqvhgigi; macimi mvtv wa pipahci taha u tahigi, wakv wah dapwahtv ini ya-iuci wvhsi biamikvgi; inv wah bonv ini. 24Waciganvhi gi tala-pwv nelv, Jrivhki wiahi goqa-nahi-grci ma-mvmrtumr-yaqa macimi na-tutvmrga-yaqa, dapwahsaku wvhsi utfaku-yaqa, macimi gah bonr-nrwv nili. 25Chena goqa-lrqv-grci ki nepvwi-pwv ki pami mvmrtumr-pwv, pvgfa-latvmvwi-waku, qahqi bonvmv-waqa pipahci wiahi wiyafv; wvhsi k’Uhfwv wafapvh-kvmigigi ya-pitv nahfrpi manvwvhi pvgfa-latvmol-wrqa gelvwv kit vlfwrci-lvwewa-nwv.
27Chena nuhgi Culosalame si biaki : chena yasi brmfaci ini mvmrtumawi-kvmikugi, utfa-kuhi ’n’tvsi ugimrwi mkvtaukulvia-hi, chena nihi yr-ivwi-galici, chena nihi gigi-lanihi; 28macimi nihi, Drniwa uci makufewa gi wv uci lvwi gelv yolumv wiahi? walr nafvwa gi melaqv yomv simakufewa wvhsi yolumv wiahi si Ivwe-ivni? u ta-kuhi. 29Gah nvtuhdola-pwv nakuti kvlvwewa, macimi rpvftv-wiku, chena gah wetvmola-pwv nelv ini simaku-fewa wv uci Ivwe-iv yolumv wiahi. 30Hini u fvfvhqi-ulalhiwawa Jrne, hv wafapvh-kvmigigi uci ini, walr tuga ilaneki uci? hrpvftv-wiku, u talvhi Jesise. 31Macimi nihki mamagini-tahahdwr-deki welvwv, chena qahqi Wafapvh-kvmigigi uci ga hiupa; Gociwa che-na mvtv ki dapwahtv-wrwv? wa hiwv iwvki. 32Wakv, Ilaneki uci iuivqa—u kufr-wvhi nihi lanvwahi nihki : xvga jrivhki tapilo mrmosigesqatv u ta Ivgimr-wrli Jrneli. 33Chena ud rpvftvwr-wrli Jesiseli, Mvtv ni wrkudrpa, iwvki. Macimi Jesise, Mvtv-nuhgi nelv gi tvh wetvmola-pwv sima-kufewa wv uci yolumv wiahi si lvweiv, u talvhi.
Currently Selected:
YA-SFADOCI MRKV 11: SJW
Highlight
Share
Copy
Want to have your highlights saved across all your devices? Sign up or sign in
Published for Thomas Wildcat Alford in 1929
