Popular Bible Verses from บราเกะ ลารี 2

Share

ตูฮัด เดะ อาตัซ ญา ดืองัยํ ซือวารา มือนาแงฮ บือปาโตด นะ กูญา. กะฆีเตอ ตูฮัด ญา อีงัจ ดัฮ_ กะ ปือมือเลา บือฌาญี บือตือตู_ นู ญา บูวัจ ฌางัน อับราฮัม_ อีซัก_ ฌางัน ยาโกบ_ ฌูฆา. กะฆีเตอ_ ตูฮัด ญา ตีญุง ลีฮัจ ลูมอฮ บักซา อิซราเอน_ ญา ตาฮู ปาซัน ลาฆู นู นะ บือฌาดี ฌางัน กูญา เลอ.

กาลา ลือปัซ ปี ลามา_ ราฌา นังฆรี อียิบ ญา มาตี ดัฮ. ลูมอฮ อิซราเอน_ กูญา ซูซัฮ ฮาตี โตระ_ กรานา กูญา ฌาดี ปราโซฮ. กะฆีเตอ กูญา บือซูระ บือปาโตด ซาแมน มือนาแงฮ_ กรานา ลาฆู นู กูญา ฌาดี ปราโซฮ อีนี. ซือวารา มือนาแงฮ นะ กูญา รอจ กะ ตูฮัด ดัฮ.

กาลา นานะ อีตู ญา บือซัยํ ดีกิ ดัฮ_ กะฆีเตอ โปด_ ญา อาเมด มาแรฮ อาตัจ บรี_ กะ นานะ นีบีนี นะ ราฌา ฟาโร. กะฆีเตอ นานะ ราฌา ซาโมจ_ ฌาดี นานะ นะ ญา_ ตืองะ ปือนามา จะ มูซา_ มือเลา จะ_ “กรานา กู อาเมด ญา มาแรฮ ดาตัก เดะ อาเย เลอ.”

นานะ นีบีนี นะ ราฌา ฟาโร_ มือเลา ฌางัน นีบีนี อีตู จะ_ “อาเมด นานะ อีนี บือปี ปือบือลา ซามา เลอ. กู นะ บรี รือฆา อูปัฮ กะ เกา.” กะฆีเตอ นีบีนี อีตู_ ญา อาเมด นานะ ปี ปือบือลา ดัฮ.

วะตู อีตู_ อาดา นานะ นีบีนี นะ ราฌา ฟาโร_ ญา ปี มานี เดะ ซูงัย. โกะ ปราโซฮ นีบีนี นะ ญา_ กูญา บือฌาลัด บีดิก ซูงัย. นานะ นะ ราฌา ญา ลีฮัจ_ อาดา ราฆา เดะ ตืองัฮ โกะ ปูโฮด บรอกๆ_ กะฆีเตอ ญา ซูโรฮ กูญา ปี อาเมด บาวา มาแรฮ.

กาลา มูซา ญา บือซัยํ ดัฮ_ อาดา ซืออารี ญา ปี ซารี โกะ นะบรานะ นะ ญา_ ลีฮัจ กูญา ตืองัฮ ฆาโดฮ บือกรือฌา ซูซัฮ โตระ. มูซา เตอ_ ญา ลีฮัจ ซือมียา อียิบ ซืออูรัก_ ตืองัฮ กาเตาะ ซือมียา ฮีบรู นู ฌาดี ซา บักซา ฌางัน ญา. กะฆีเตอ ญา ตีญุง ลีฮัจ กีรี กานัน จะ_ ฮอย ซาปา ดัฮ_ ญา โปด_ บูนอฮ ซือมียา บักซา อียิบ อีตู_ ตานัม เดะ ตานัฮ_ บูนี บูวัก ดัฮ.