Popular Bible Verses from ลามูลา 32

Share

กะฆีเตอ_ ซือมียา อีตู มือเลา จะ_ “ตะเดะ อีนี_ ปือนามา นะ เกา_ บูกัด ‘ยาโกบ’ ดัฮ_ ตาปี นะ บลาโลก ปือนามา จะ_ ‘อิซราเอน’_ ซาเบะ เกา บือลาวัด ฌางัน ตูฮัด ดัฮ_ บือลาวัด ฌางัน ซือมียา ฌูฆา_ ตือดะ เกา ฌือนัฮ ดัฮ.”

ซือมียา อีตู มือเลา จะ_ “ปลือปัซ บรี กู ปี เลอ. ซรือปะ นะ จรัฮ ปาฆี ดัฮ.” ตาปี ยาโกบ ตีกัฮ จะ_ “กู ตีเมา นะ บรี เกา ปี ดูลู_ ตือดะ เกา นะ บรี ซือลามัจ กะ กู.”

ยาโกบ ญา ดูโดะ ซา อูรัก ญา. อาดา ซือมียา ซืออูรัก_ บือลาวัด บือรีฆะ ฌางัน ญา_ ตือดะ มูกัยํ.

กะฆีเตอ_ ยาโกบ ตืองะ ปือนามา กะ ตูโปะ อีตู จะ_ เปนีเอน_ มือเลา จะ_ “กู บือซูวา มูคา ฌางัน ตูฮัด ดัฮ_ ตาปี ญา ตาโรฮ บรี กู ฮีโดะ ลาฆี.”

กาลา ซือมียา อีตู ลีฮัจ จะ_ ญา อาเมด ฌือนัฮ เดะ ยาโกบ เตด บือเลฮ ดัฮ. กะฆีเตอ_ ตานา กูญา บือลาวัด บือซามา_ ญา ปือเตาะ ยาโกบ_ เดะ โซะ บูกู ปาฮา_ บูวัจ บรี ตูลัก บูกู อีตู รืองัก ดัฮ.

ซือมียา อีตู มือเลา ฌางัน ยาโกบ จะ_ “เกา ปือนามา นามา?” ญา ตีกัฮ จะ_ “กู ปือนามา ยาโกบ.”

กะฆีเตอ_ ยาโกบ ตาญา ซือมียา อีตู จะ_ “มีตา บรี เกา มือญาเระ ปือนามา นะ เกา กะ กู.” ตาปี ซือมียา อีตู มือเลา จะ_ “บูวัจ นามา_ เกา ตาญา ปือนามา นะ กู?”_ กะฆีเตอ_ ญา บรี ซือลามัจ กะ ยาโกบ_ โซะ อีตู.

กู เตด ปาโตจ นะ ซาโมจ ลาฆู ซายัก กือฌะ กือมัซ_ ฌางัน ลาฆู ฮาตี รือมัก_ นู ตูฮัด บรี กะ ปราโซฮ นะ ตูฮัด เลอ. มีเซ จะ ลาฆู ดีกิ ตอจ โปด_ กู เตด ปาโตจ นะ ซาโมจ เลอ. กรานา กู ฌรือมัก ซูงัย จอแดน อีนี ปี ดัฮ_ อาดา ซา ตูกัจ นะ กู เลอ. ตาปี วะตู อีนี_ กู มาแรฮ ฌาดี ดูวา กาวัด ดัฮ.

กะฆีเตอ_ รอจ กะ ฮาดัจ อีนี_ ลูมอฮ บักซา อิซราเอน ตีเมา มากัด อูรัจ บูกู ปาฮา_ ซาเบะ ตูฮัด ปือเตาะ ยาโกบ_ เดะ บูกู ปาฮา นะ ญา ดัฮ.

ยาโกบ บือซาโวจ จะ_ “โอ ตูฮัด นะ อับราฮัม_ แจ เดะ กู เตอ_ จะ_ ตูฮัด นะ อีซัก_ อาโปก เดะ กู. โอ ตูฮัด บือซัยํ เดะ อาตัซ_ นู มือเลา ฌางัน กู จะ_ ‘บาลิ ปี เลอ_ กะ นังฆรี นะ เกา_ กะ ลูมอฮ นะบรานะ นะ เกา. กู นะ ตูโลก เกา_ บรี ซือนัง บาฌิ’_ เกา จะ.

มีตา เดะ ตูฮัด_ บรี กู นะ ลือปัซ_ เดะ ตางัน นะ เอซาว_ กากา เดะ กู. กู ตาโกจ จะ_ ญา นะ มาแรฮ บูนอฮ กามี ซือมูฮา_ บูนอฮ โกะ มะ_ ฌางัน โกะ นานะ ฌูฆา.