Popular Bible Verses from ลามูลา 37

Share

อาดา ซืออารี_ โยเซบ ญา มีปี. ตานา ญา มือญาเระ ลาฆู มีปี_ กะ โกะ กากา_ กูญา บือชี กะ ญา_ พรัด บาญะ.

โซะ ยาโกบ โปด_ ญา ซายัก กะ โยเซบ_ ลือเบฮ เดะ โกะ นานะ อาซิก นะ ญา ซือมูฮา_ ซาเบะ ญา ดูโดะ เดะ อาปี มาแรฮ_ วะตู ยาโกบ ตูฮา ดัฮ. ยาโกบ ญา บูวัจ บาฌู ซรือโกะ ตางัน ปาญัก_ บรี กะ โยเซบ.

กาลา โกะ กากา_ กูญา ลีฮัจ จะ_ ปะ เดะ กูญา ซายัก กะ โยเซบ_ ลือเบฮ เดะ กาวัด ดัฮ_ กูญา บือชี กะ โยเซบ_ มือเลา บาฌิ ฌางัน ญา_ เตด บือเลฮ ดัฮ.

อารี อาซิก โยเซบ มีปี ปูลัก_ มือเลา มือญาเระ กะ โกะ กากา จะ_ “นี เลอ_ กู มีปี ปูลัก ดัฮ. ลีฮัจ เลอ_ อาดา มาตา อารี_ ฌางัน บูลัด_ ฌางัน บีตัก ซือบือลัซ บีฌี เตอ_ ญา ตืองัฮ มือนูโนะ กะ กู.”

โกะ กากา ดือกี กะ โยเซบ_ ตาปี ปะ เดะ ญา_ บรีงัจ กะ ลาฆู อีนี_ เดะ ฮาตี.

โยเซบ มือเลา ฌางัน กูญา จะ_ “มาแรฮ เลอ_ มือนีงัย ลาฆู นู กู มีปี ซีงี_ จะ_ กีตา อาดา เดะ บือนัก_ ตืองัฮ อีกัจ บรือกัซ ปาดี_ ฌาดี ซือบรือกัซๆ. ดัดๆ อีตู บรือกัซ นะ กู_ ญา บีกัซ บือดีรี ตือปัจ_ ตาปี โกะ บรือกัซ นะ โกะ กากา เดะ กู_ ญา มาแรฮ กือลีลิก_ มือนูโนะ กะ บรือกัซ นะ กู.”

บอฮ เลอ_ บรี กีตา บูนอฮ ญา_ บูวัก บาดัด นะ ญา_ เดะ ตลาฆา_ ซา บีฌี. กะฆีเตอ_ กีตา นะ มือญาเระ จะ_ บือนาตัก เดะ ฮูตัด_ บือเลฮ ซรือโกะ มากัด ญา ดัฮ. กะฆีเตอ_ กีตา นะ ลีฮัจ จะ_ โกะ ลาฆู มีปี อีตู_ นะ ฌาดี กะฮามี.”

อาดา ลูมอฮ ซือมียา ฌูวัน บารัก_ บักซา มีเดียน_ ลาลู ปี. โกะ อาดี บราดี ปี รือฆัก โยเซบ_ ปือญาแญะ เดะ ตลาฆา_ ฌูวัน ญา_ กะ ลูมอฮ ซือมียา บักซา อิซมาเอน อีตู_ รือฆา ดูวา ปูโลฮ รีเงะ ปีระ. กูญา อีตู_ บาวา โยเซบ บือปี_ กะ นังฆรี อียิบ.

กูญา มือเลา บือซามา จะ_ “ซือมียา มีปี มาแรฮ ดัฮ.

ตานา โกะ กากา ลีฮัจ โยเซบ_ ตะเดะ ฌาโวฮ_ เตด รอจ กะ กูญา ลาฆี_ กูญา ปาคัจ อีงัจ_ นะ บูนอฮ ญา.

รูเบน มือเลา ฌางัน กูญา จะ_ “ฌางัน บูวัจ บรี ดารัฮ นะ มือนีแลฮ ตรือเบะ เลอ. บรี กีตา บูวัก ญา_ เดะ ตลาฆา เดะ ฮูตัด_ โซะ อีนี_ ตาปี ฌางัน บูวัจ นามา กะ ญาวา นะ ญา โปด.” รูเบน มือเลา กะฆีนี_ อีงัจ นะ บรี ญา ลือปัซ_ เดะ ตางัน นะ โกะ กากา_ บีดา นะ อาตัจ ญา บาลิ ปี_ กะ ปะ เดะ ญา ปาเระ.