Popular Bible Verses from ลามูลา 49

Share

ตูกัจ นะ ราฌา นะ เตด ปูตุซ เดะ ตางัน นะ ยูดา ตูกัจ นะ ซือมียา ปือบือลา_ นะ เตด ปูตุซ เดะ จือลัฮ กากี นะ ญา ฌู ตือดะ ซีโลฮ นะ มาแรฮ ลูมอฮ บักซา ซือมูฮา_ นะ บูวัจ ตูโรจ กะ ญา

“โยเซบ ฌาดี ดาฮัด นู อาดา บูวัฮ บาญะ ดาฮัด นู บือบูวัฮ เดะ บีดิก อาเย ซือบุยํ อาดา ฌามัยํ มือนีติ ลากัฮ ดีนิง โกะ ลูมอฮ ตาฮัน ปานัฮ ญา ฌาฮัจ โตระ ซาแมน ปานัฮ_ ซาแมน มืออารับ ญา

ตาปี ตางัน นะ ญา ตือฆัยํ อูรัจ ดัฮ กรานา ตางัน นะ ตูฮัด นู มือฆัฮ นะ ยาโกบ กรานา ปือนามา นะ ซือมียา ปือบือลา กาเมก_ ฌาดี จะ_ บาตู บือซัยํ นะ อิซราเอน กรานา ปือนามา นะ ตูฮัด นะ ปะ เดะ เกา_ นู ตูโลก เกา ตูฮัด นู มือฆัฮ โตระ_ นู บรี ซือลามัจ กะ เกา ลาฆู ซือลามัจ ดาตัก เดะ อาตัซ ลาแงะ ลาฆู ซือลามัจ ดาตัก เดะ อารอก โซะ บาวัฮ ลาฆู ซือลามัจ ดาตัก เดะ ดาดา_ ดาตัก เดะ โปรจ นะ มะ

“ยูดา เออ_ โกะ อาดี บราดี นะ มือโอจ กะ เกา เกา นะ ปือฆัก ลีเฮ นะ โกะ ซือตรู โกะ นานะ กีลากี นะ ปะ_ นะ ตือมะ มือนูโนะ กะ เกา ยูดา ฌาดี อานะ ซีงา นานะ เออ_ เกา ตาฮัด ฮาตี_ ตีงัน อูปัด นะ เกา ญา ตูโนะ ตือมะ_ ซือรูปา บือกะ ซีงา บาปา ซือรูปา บือกะ ซีงา อายา. ซาปา บรานี นะ กูจัย_ ญา บรี บีกัซ เลอ?

“รูเบน เออ_ เกา ฌาดี นานะ ซูโลก นะ กู เกา ฌาดี อูรัจ_ ฌาดี บูวัฮ ลามูลา นะ กู_ วะตู กู ตือฆัยํ อูรัจ ลาฆี เกา บือซัยํ เดะ กาวัด_ ซาเบะ เกา มาแรฮ ดูลู เกา ตือฆัยํ อูรัจ เดะ กาวัด ฌูฆา เกา บืออีเซด บือกะ อาเย บือดรัซ นะ บือซัยํ เดะ กาวัด เตด บือเลฮ ดัฮ กรานา เกา ญาแญะ ปี กะ ตือปัจ ตีโนะ นะ ปะ บูวัจ บรี กะ ตือปัจ ตีโนะ อีตู_ ตะอารัฮ ดัฮ เกา ปี ตีโนะ ตือปัจ ตีโนะ นะ ปะ.