Popular Bible Verses from โยฮัน 8

Share

อาดา ซือกาลี ปูลัก_ เยซู มือเลา ฌางัน โกะ ซือมียา จะ_ “กู นี เลอ_ ฌาดี ตือปัจ จรัฮ เดะ ดือนียา. โซะ ซือมียา นู ตูโรจ กะ กู_ ญา นะ เตด บือฌาลัด เดะ โซะ กือลับ_ ตาปี นะ อาดา ลาฆู จรัฮ นู บูวัจ บรี ฮีโดะ เลอ.”

กาเญา นะ กราลา ตูฮัด ซูโงฮ_ จะ_ ญา ฌาดี กะฮามี. ปาซัน ลาฆู นู กราลา ญา ซูโงฮ เตอ_ นะ บูวัจ บรี กาเญา ลือปัซ ดัฮ เลอ.”

กะฆีเตอ_ เยซู มือเลา ฌางัน ลูมอฮ ยิว นู ปือจายา กะ ญา จะ_ “ดัฮ กาเญา ซือมาตา บูวัจ ตูโรจ กะ ปือมือเลา นะ กู_ กาเญา เตอ_ ฌาดี มูเระ นะ กู ซูโงฮ เลอ.

ซาเบะ กะฆีเตอ_ ดัฮ นานะ นะ ตูฮัด บือเลฮ บูวัจ บรี กาเญา ลือปัซ_ กาเญา โปด_ นะ ฌาดี ซือมียา นู ลือปัซ ซูโงฮ ดัฮ เลอ.

ตานา ลูมอฮ กูญา ซือมาตา ตาญา กะฆีเตอ_ เยซู ญา บีกัซ บือดีรี_ ตีกัฮ กะ กูญา จะ_ “ซือมียา ดีฮา เดะ ลูมอฮ กาเญา_ นู เตด ดือละ บูวัจ ซาลัฮ_ บรี กะ ซือมียา อีตู เลอ_ ลีปัยํ ญา ดูลู.”

เยซู ตีกัฮ กะ กูญา จะ_ “กู มือญาเระ กะ กาเญา ลาฆู นู ซูโงฮ จะ_ ราตา ซือมียา นู บูวัจ ดูซา เตอ_ ญา ฌาดี ปราโซฮ กะ ลาฆู ดูซา อีตู เลอ.

กะฆีเตอ เยซู_ ญา บีกัซ มือเลา ฌางัน นีบีนี อีตู จะ_ “นีบีนี เออ_ กูญา ปี กะ ดีฮา ฮาบิฮ? ฮอย ซาปา อาเมด ซาลัฮ เกา ดัฮ เฆอ?” นีบีนี อีตู มือเลา จะ_ “ฮอย ซาปา ลาลู_ จา เออ.” เยซู มือเลา จะ_ “กู โปด_ เตด อาเมด ซาลัฮ เกา ฌูฆา. ปี เลอ_ ฌางัน บูวัจ ดูซา ปูลัก ดัฮ เลอ.” ญา จะ.]