Popular Bible Verses from ลูกา 9

Share

กะฆีเตอ เยซู ญา มือเลา กะ กูญา ซือมูฮา จะ_ “ซือมียา ดีฮา นู อาดา ฮาตี นะ มาแรฮ ตูโรจ กะ กู เตอ_ บรี ญา บราดู บือฮีมัจ กะ ญาวา ตะอาซิก ดูลู. บรี กะ ญา อาเกะ ตาโงก กายู ปลีตัก นะ ญา_ บีลัก อารี เตอ_ ตูโรจ กะ กู มาแรฮ เลอ.

กรานา จะ_ ซือมียา ดีฮา นู อาดา ฮาตี นะ ฌาฆา ญาวา นะ ญา_ บรี ซือนัง เตอ_ ญาวา ญา นะ ฌาฮานัม. ตาปี ซือมียา ดีฮา นู ซรัฮ ญาวา นะ ญา บูวัก_ กรานา ลีฮัจ กะ กู_ ซือมียา อีตู ญา นะ ดาปัจ ลาฆู ฮีโดะ ซูโงฮๆ เลอ.

เยซู มือเลา กะ ญา จะ_ “ซือมียา ดีฮา_ อาเมด ตางัน_ ปือฆัก ฆาลา ดัฮ_ ตาปี อาเลฮ บลากัก ปูลัก เตอ_ ซือมียา อีตู_ ญา ฮอย เตด บือฆูนา_ นะ อาดา ตูฮัด เดะ อาตัซ ฌาดี ราฌา_ นู ปือบือลา ญา.”

ดัฮ ซือมียา ดีฮา บือเลฮ โกะ ซือบารัก ซือมูฮา เดะ ดือนียา_ ตาปี อีซี ญา นะ ฌาฮานัม ดัฮ_ ซือมียา อีตู นะ บือเลฮ อูโตก นามา เลอ? ฮอย ลาลู.

ซาเบะ จะ_ ซือมียา ดีฮา_ นู ปือจือและ กรานา กู_ ฌางัน ปือมือเลา นะ กู_ ซือมียา อีตู เลอ_ กู นะ ปือจือและ บาลัซ ปาเระ_ เดะ อารี บลากัก. เดะ อารี บลากัก อีตู เตอ_ กู นู นานะ นะ อูมัจ ซือมียา เตอ_ กู นะ มาแรฮ_ อาดา บือซายา บือซรี_ บือกะ บือซายา นะ อาโปก เดะ กู_ บือกะ บือซายา นะ โกะ ลูมอฮ ฮูลู บาลัก นู จรัฮ บาฌิ เลอ.

กะฆีเตอ เยซู ตีกัฮ กะ ญา จะ_ “โกะ อาซู ฮูตัด_ ญา อาดา ลูบัก. โกะ บูโรก เดะ ลาแงะ_ ญา อาดา ซารัก. ตาปี โซะ กู_ นู นานะ นะ อูมัจ ซือมียา เตอ_ กู ฮอย ตือปัจ นะ ตืองะ ปาลา ตีโนะ เลอ.”

ญา มือเลา จะ_ “ซือมียา ดีฮา นู ซาโมจ นานะ ดือมิ อีนี_ กรานา ปือนามา นะ กู_ ซือรูปา ซือมียา อีตู ซาโมจ กู ดัฮ. ซือมียา ดีฮา ซาโมจ กู เตอ_ ซือรูปา ญา บือเลฮ ซาโมจ ตูฮัด_ นู บือเลฮ ซูโรฮ กู มาแรฮ เลอ. กรานา จะ_ เดะ ลูมอฮ นะ กาเญา_ ซือมียา นู ฌาดี ดือมิ เดะ กาวัด_ ซือมียา อีตู เลอ_ ญา ฌาดี ซัยํบือซัยํ ซูโงฮ.”